29/6/2008 Day 2 Part 3
北投溫泉區係台灣好有名既溫泉區, 去到呢度梗係一定要浸溫泉啦~!!! 台北好多溫泉都係唔係全裸湯, 都要著水著去浸溫泉, 所以大家都做左水著兵團去浸溫泉啦~!
我地去左一間喺新北投站附近, 行3分鐘就到既水美溫泉旅館, 呢間溫泉旅館既裝修都好靚喎, 好彩咋~!! 點解會講好彩呢? 因為本身我地係想去其他既仲有名啲既溫泉會館, 但係好多都喺夏天進行修館工程, 好不容易先搵到呢間呀!! 不過, 呢間野又幾OK喎~!!!
我地包左兩間房一大一細, 總共都係3000幾台幣, 除返埋都係二百蚊有找~! 浸一個半小時, 乜都夠啦~!! 記得浸溫泉既時候, 大概十五至廿分鐘左右, 就要上一上水, 令自己降一降溫, 咁對自己個身體比較好~! 仲有, 女士浸溫泉如果係"紅潮風暴"期間, 咁就唔好浸呀~! 因為血液循環加速, 令你既"紅潮"更猛烈, 一陣"愛如潮水"就唔好啦~!
我地幾個人都真係唔會放過呢個機會, 浸泉都係影相~!!!!!!!!!!!!!!!! 呵呵~!!!
浸完個靚溫泉~~~大家就飛奔去士林夜市啦~! 咁話說士林夜市係分幾段架~! 如果你想去一個熟食中心嗰邊呢, 就係喺捷運既劍潭站落車, 如果你又想食下街邊野, 又想行下街, 咁你就喺捷運士林站落車啦~! 其實兩個站都唔係好遠, 大家下次可以試下~!
我地嗰日就係喺士林站落車, 跟住行左去士林觀光夜市, 呢度既食檔都好多, 但係其他既商店仲多, 一路食一路行, 勁正~!!! 沿途食左好多之前未食過既野, 例如係.....傳說中既雞pat pat~!!!! 哈哈~!! 一路以黎, 對雞pat pat 都有一種好抗拒既感覺...但係, 人在外地, 都會有好多好大膽既嘗試.....所以我試左夜市既串燒雞pat pat~! 噢~! 又幾好食喎~! 口感又OK, 完全唔覺有羶味~!
仲有好多都好好味, 例如...大大塊雞排, 蚵仔煎, 牛冰冰, 愛玉冰, 大腸包小腸, 沙茶羊肉, 羊肉湯, 大大塊魚塊等等....礙於版面所限....不能一一盡錄, 敬請原諒~!
包到震, 又浸完溫泉....真係成個人散晒..返到去....我第一個訓著左啦~!!!!!!!!!!!!!! 跟住嗰日又要早起身去其他"怒畸唇", zzzzzzzzzzzzz~~~~!
嵐嵐...你係想著返條泳褲...定係除左佢呢~~?
懶個誘人既pose ~~~~!
出水俏芙蓉X2~~~!
同一刻飛上天, 同一刻跳下水~~~~我地玩韻律泳呀~! 死未~!
你估下入面係咩................?
係咪想一齊浸下先~~~?
士林夜市呀~!!!! GOGOGO~~!
沙茶羊肉, 好好味~!! 超正~!
完全唔羶既羊肉湯~!!! 好味~!
超大塊魚塊~!!! 不過, 冇味架~!
大腸包小腸~即係糯米腸包台灣香腸~!
阿寶初嚐雞pat pat~~~~呵呵~!
串燒雞~!!!
極級推介~~~士林夜市既菜肉包~!! 超正, 又多汁~!
愛玉冰~~~消暑佳品~!
痴線架~~~~大塊到呀~!!!!!!!!!!!雞排黎架~!
蚵仔煎(即台式蠔仔餅), 5個人評價不一, 有人話似鼻涕, 我又覺得幾好食喎~!
草莓牛奶冰~!!! 正~!!! 勁大碟~~~超抵~!
大餅包小餅, 嗯................OK la..
大大個pancake ~!!!! 佢地話可麗餅喎~!!!
No comments:
Post a Comment