四小妖台北飄流記 Day 1 - Part 2

28/6/2008 Day 1 Part 2

食完個tea, 我地就去附近既名店區巡舖啦~! 噢~~~名店is 禎禎and 嵐嵐"飛佛"~! 我, 魚魚同華哥仔呢.....hm......還OK啦~! 我地會等你的哦~! 記得一陣要去101食飯呀~!!! 要趕時間架~姐妹們~!

呢個名店區, 你喺每本既旅遊書應該會睇到, 你可以喺捷運既中山站4號出口, 沿南京西路左轉中山北路一直行, 見到晶華飯店, 嗰度附近就係~! 你地睇下我地啲相都係遠遠咁影...因為..名店嘛...連喺門口影相都唔得架...但俾我偷雞影到一張~!

行到6點幾, 我地就飛上的士, 去101大樓食晚飯啦~! 因為今朝實在太早起身啦...我同嵐嵐坐一架的士...同佢講講下野...我.....竟然訓著左....哈哈...唔好意思啦~因為實在太攰啦~! 小歇一陣啦....哎呀!! 隻死人嵐竟敢偷影我訓著既樣, 可惡耶~!

差唔多晚上7點左右, 我地到達101大樓, 這一天晚上就喺呢度既WASABI日式自助料理食飯, 呢間WASABI又唔係貴喎~! 800NT (大約200港幣)一位, 任食, 任飲! 但係有時段性架喎! 詳情會喺下邊註明~!

呢間餐廳還不錯啦~! 地方大, 選擇又算多, 基本上, 你想食乜都有~! 有啲日式冷門啲既點心都可以試下哦~! 但係, 我地今次既首選係燒羊腿, 食到人地冇晒貨咁劑呀!!! 呵呵~!!! 飽餐一頓之後, 阿魚話佢太飽....要去洗手間"辦工"!!! 咁好啦~! 我地唯有周圍影下相, 等下囉~!!! 呵~! 阿魚....我地抖一陣...一陣仲要去臨江街夜市哦~!!! 呵呵~!!!!

禎禎最愛既牌子~!!!

呢邊又有LV, 又有YSL~!

中女名牌之首選耶~!!!

其實我唔係專登架~!!! 我見嵐嵐扎晒馬咁影個招牌, 我行去扮型, 點知就入左鏡~!

晶華飯店(台北既Four Season)

Duty Free入邊又係一大堆名店~!!!!

衰女~!!! 偷影我~!! 可惡~!!

WASABI
地址/電話: 台北101購物中心4樓 / 02-8101-8166
營業時間: 1200-1430 ; 1430-1600 ; 1800-2130
價格: 不同時段, 不同收費 630NT - 800NT

出一出去, 成枱都係食物, 我唔客氣囉~!

仲影~!?! 食野啦~!

佢地拎嗰條羊腿好好味架~!!! 我隻蟹就麻麻....!!

阿魚已經拼死咁食食食.....華哥仔係由頭帶到尾~!!!! 勁~!

另一間餐廳門口影相....影完閃得勁快~!

4樓係101大樓既美食集中地, 大部份食店都係喺呢層~!

飽到暈呀~!!!! 抖下先~!

再來一個招牌兄妹照~!!!

101購物中心
地址: 台北市信義路五段七號

101外面, 呢啲燈箱, 係記念為了興建101大樓既人

禎禎勁想影呢個留念...但係....噢~~~工程進行中呢~!

仲記得我之前喺上海既遊記嗎? 見過一個大廈大大隻字打出"震旦用心, 令你放心"!
竟然....俾我地喺台灣都見到震旦~!!!!!! 震旦國際大樓呀!!!!