VOL 2 @ 17/05/2009
我而家仲係甩緊皮啦~!!!!!!! 曬完簡直係痛到痴左線~!
肥壯組別~~~即係我~
已經係瘦左啲架啦~!!!!
K先生話我呢張同上年一樣~~唔同架....!!!! 掉轉左方向架~!
好熱呀~~~~~~~~~~~~~~~~~~~~~!!!
同埋好鬼曬囉~!!!!!!!
跟住係K先生既纖體組~!
鑊鑊都要擺啲好啃既pose架~!!!
呢個已經係好正常~~
i like this 角度~~~~~~
仲有個fd Ivan 仔~
唔知做乜鬼笑騎騎~~~
瞓鬼著咗lu.......
連續曬左8個鐘.....唔痛就有鬼啦~!!!!!
快啲甩晒啲死皮~~再曬過~!
齊齊曬爆VOL 1 - 01/05/2009 @ 淺水灣
天朗氣清, 淺水灣, 我最"飛佛"既海灘, 唔算好多人, 但係嗰日係公眾假期, 好多"印印"同"賓賓"開party~
天氣咁好, 唔去曬太陽會俾人MIU架~!哈哈~!
你地覺唔得塊蓆個pattern 好似......小蜜蜂........
全日任曬~!!!! Yeah~!!!!!!
一路曬一路睇台灣買既書~!
身邊有條傻佬喺度勁自拍囉~~~~~~~!!!!!
齊齊曬爆 VOL 2(預告) 17/05/2009 @ 西貢
星期日去左同d friends 去遊船河, 之前嗰日都落雨架....好彩好好太陽, 超好天!!!! 好多相我都未收到, 大家要"拭"目以待哦~!
K先生表演反眼絕活~~~~勁~!
曬咗一整日, 而家又紅又痛, 救命呀~!!!!!!
同親K先生去遊船河, 佢一定迫我陪佢一齊影沙龍照架啦~!! 今次影左勁多~! 我等緊佢send 返比我呀~!
我自己聽過, 從來都好憑第一個感覺! 好多歌都係一聽就好上癮, 試過有個 iPOD連環播80次同一首歌既記錄都有~!
不過, 呢首既情況就好唔同.....兩, 三個月前Plug上台既時候, 覺得...呢條女把聲好尖....有啲啲刺耳...有時電台播呢首歌既時候....都刻意避一避...但係呢, 上次台灣之旅, 有團友點左呢首歌黎唱, 睇完晒成個MV, 個感覺忽然又好深刻咁...
前排經過左啲事, 有一日唔知點解無啦啦哼起呢首歌, 我又立刻用iPOD連環狂播功能~~播足全日咁劑~! 真係好忽然地愛上左呢首歌, 所以同大家分享一下!
一定要睇晒全個MV, 同留意歌詞, 蠻感動的.....!
20/04/2009 Day 3 TPE
食完燒肉, 然後大伙兒去左錢櫃唱K~! 個大堂~~~wow~!
入到房, 仲要有個台仔, 俾你好似喺LOUNGE咁唱~!
但係其實間房都幾細.........同埋, 竟然攞DICE要俾錢買囉....痴線~!
21/04/2009 Day 4 TPE -HKG
好遲先起到身呀~!!! 因為實在太好訓, 連早餐都食唔到...... 
就拿拿臨執好晒d 行李, 衝落去check out 啦!
噢~~~~要走嚕~~~~~~!!
臨走前, 大伙兒去鼎泰豐食返餐先~!
嘩~!!!!! 超級多人~!
小籠飽~!!!! 賣飛佛~!!! 我想食晒成籠呀~!!!
食完飯, 行多陣, 去行下其他商場, 買左啲手信俾朋友仔,
就返去酒店坐訂左既車, 一齊起程去機場啦~!
要say byebye 啦~!!!!
不過. 黎到機場實在太~~~~~~~~~早啦~! 因為我自己係搭KA, 我 d 朋友搭CX返香港, 所以夾佢地時間去機場, 佢地7點幾機...我8點幾...唯有我早啲黎到hea 下~!
但係.....咁早....連check in counter 都未開囉.......! 最早係6點半先開counter ....我到機場....5點都未到.........弊.......
呢條友~~~就係坐喺度話你知, 全個台灣機場都有free wifi架~! 好彩有部netbook 喺身, 唔係就悶死左~! 梗係上MSN 同朋友仔傾下計先啦~!
無聊都爆~~~~自己個影都影~!!!!!!!!!!!!
我登機既閘口............竟然係..........HELLO KITTY 候機室~!!!! OMG~!
哈佬咪咪: " 我又要飛啦~~~BYE~!"
我就係坐喺呢條彩虹度, 上網等上機~!
仲有"SIR"滑梯tim~!
呢度仲有好多HELLO KITTY既手信~!!!! 死未~!!
都好多人喎~!!!!!!!!
BYEBYE 台北~~~~下次再來呀~!!!!
跟住11點左右返到香港, 等埋啲行李就去左朋友仔屋企, 放低俾佢既手信先, 因為實在都幾多下架喎~! (不過好似有D人連開都未開過喎! 超唔賞面!!! 下次都係慳返......) 跟住先飛的返屋企~! 攰到爆, 行李都唔執.....訓......ZZZZZZZzzzzzzzz~
今次台北之旅就係咁多~~~~
魚魚佢地好似六月又話想"陪我"去下旅行散下心,
喂?! 唔係呀? 又台灣?!?!?! 我入藉啦喎?!
~完~
20/04/2009 Day 3 TPE
繼續行程....
做完SOLER 去買手信..買手信..買手信..買手信之後呢, 就搭車去左西門町~西門町都係不離買野同食野啦~! 陪其他團友去附近買其他手信之後, 攰攰地, 就去食冰~!
佢地有兩種冰俾你揀, 雪花冰同牛奶冰, 雪花冰係粗粒d, 冇味既, 牛奶冰就係綿d, 牛奶味既~~
佢整我個刨冰呀!!!! 正~!
凳凳凳凳!!!!! 霸王冰~!!!!!!!!!!!!! 正呀!
食完冰, 我地就分頭行事, 因為有啲團友想返放低啲野, 梳洗一下再出動~
咁我地呢就率先黎到101附近既誠品行下先~~呢度超大, 好多層架~!
眺望101大樓, 我回香港數天後, 此地點發生左嚴重既傷亡意外.....好心痛..
去完101誠品.....又係敦化....................好厭.....呀........
點解要去敦化, 因為食飯間野喺附近, 咁未夠鐘就周圍hea 住先.........
燒肉店 古月同
Book 左枱都要等呀!!! 好旺!!!
青檸, 比你任用~!
好緊張呀~~~~~開始未呀~~~?
等緊食~~~
台灣既燒肉店係用炭, 而香港既燒肉店多數用煤氣爐燒....好大分別....
食下沙律, 清下腸胃先啦~!
牛舌~!!!!!!!!!!!!!!!!!!!!!!!!! 我最愛~!!!!!!!!!!!!!!!!!!!
粟米..雖然佢話要我地燒, 但係我地就咁食都覺得好好味喎!!!! 好甜~!
呢個係菲力牛~! 即係牛扒啲 friends 卦~
羊小排~
奶油雞塊~好好味~!!!! 呢個要燒到啲雞肉熟左之後, 再燒熔個奶油, 即係牛油啦~! 然後逐塊肉放落去溶左既牛油到煮多陣, 好味到痴線~!!!!
呢個係老闆送既牛肋骨~~~配埋啲蔥, 一流~!
待續~~~
