Hi....1999年的阿寶..你好嗎?
二十歲既你, 喺學校讀緊書既你....應該都係喺課堂上大覺訓~ 哈哈! 你諗到十年後竟然做了一份同自己原來讀既科目完全冇關既工作呢? 你當事有冇諗到自己既戀愛對象, 同現在既完全唔同呢? 哈哈!!!
如果再有一次機會, 我可能會叫二十歲既你....不如努力啲讀書考好個AL.....不如諗多啲自己之後想點...唔駛之後嗰幾年咁徬徨...不如練好啲唱歌同演戲考多次APA, 或者搵高人指教....你知唔知你唱歌同演戲仲係好鬼屎架?....
我知你好怕有壓力, 但係冇壓力, 就冇推動力...你就唔會"不斷提升", 又或者, 你仲未經過一大堆事, 一大段經歷....你係唔會知, 其實你已經浪費了多少時間.....
現在的我, 生活得很好呀! 有一份穩定的工作, 一份好喜歡的兼職, 一個很喜歡而又穩定的伴侶, 一大班可愛的朋友, 一個溫暖的家庭.
不過, 達成唔到你當時的志願了, 但係, 我現在竟然教人做話劇呀! 諗都諗唔到呢? 啲學生仲要有獎攞添呀! 仲勁過你當年參加校際戲劇節嗰時呀! 同埋, 而家做導師教返人... 先至知...其實自己以前都真係好鬼唔聽話同自以為是.....見到一大堆既學生, 都會有啲感覺....唉.....當年教我既老師點忍我架? 咁衰都忍得到? 可唔可以再做好啲呀?
而感情方面, 我諗你諗都諗唔到會係"行十年衰運, 才修成正果"...哈哈!! 但係呢個"正果"都真係好值得等下架, 至少覺得令我有返啲"安全感"! 唔好問我中間有幾多個, keep 得到幾耐? 基本上, 你自己點都會估唔到咁"黑"先! 不過, 呢啲經歷都好架, 可以令自己知道, 人天生都唔係完美, 有好多好多既缺點, 要經歷過一啲好銘心刻骨既事, 你先知道原來自己所缺的...其實十分之多! 都係嗰句.."我要不斷提升~~~"
不過, 話你知....如果俾我再行多次, 我都寧願揀一條同樣既冤枉路, 因為冇以前既你, 咁邊度會有而家既我呢? 我覺得而家既我, 活得十分之好呀! 多謝你!
2009年的阿寶
送首歌你聽呀!
鍾舒漫 - 給自己的信
