朱古力MOUSSE cake懶人做法~~~

呢個朱古力慕絲凍餅..初時係諗住聖誕節整俾DL一齊"做節"食既, 但係平安夜嗰晚去完玩之後, 我同佢都好唔舒服, 成day 都係喺屋企休息.....勁慘, 咁啲材料剩晒喺度~~~咁啱孖咪佢地又話黎唐五開除夕"趴地", 哈哈~~~!!!啱晒~~~唔駛嘥晒啲料~~~!! HEHHEHE!!!

我初初問人地整凍餅係咪好難架~~~啲高手個個都會話~~其實都唔係好難整既~~但係我一睇份材料單咁鬼多樣野就好鬼暈~~哈哈~~~始終我都唔係一個料理好手嘛~!

不過, 我去到尤小姐介紹我去嗰間蛋糕材料舖, 俾我搵到啲出貓材料, 唔駛整得咁辛苦~~! 嘻嘻~~~~懶人萬歲! 出貓材料包括有~~Oreo餅乾碎, 朱古力慕絲粉~! 工夫少好多~! Yeah!

第一個步驟係煮熔啲牛油先~咁要睇下你用幾多餅碎, 預返幾多, 因為我試過跟材料單整, 會好少牛油...我會覺得最後個餅底會好鬆, 所以落多少少會好啲~~! 至少唔會一陣沙咁~!

熔左牛油之後, 熄火~~就倒啲餅碎~~~撈呀撈~~撈呀撈~~

跟住就倒落個餅摸度片實佢~~!!!!幾靚~! 跟住就即刻放入雪櫃備用~!

出貓材料朱古力慕絲粉出場~! 若覺得唔夠朱古力, 可以加多少少可可粉~!

400ml 淡忌廉, 打呀~!!!!!!!!!!!!!! 最緊要係快~!!! 但係真係好鬼攰~!

打到起起地, 倒埋啲慕絲粉同可可粉落去~! 又係勁打一輪~!!!!!!!

打到結晒, 起晒漿~!!!!! 呢個moment ...你會有啲後悔...做乜唔買打蛋器呀!!!

倒完落個模, 再片實佢, 片靚個面~~~放入雪櫃~~~3個鐘後~~~~~~!!!

登登登登~~~大功告成~!!!! 6"朱古力慕絲凍餅~!! 完成~!

除左嗰三個鐘雪凍佢之外, 前置功夫都係40分鐘之內可以完成~~~!!!

懶人萬歲~!

萬聖節煮野食~~~

萬聖節嗰日同DL喺旺角做完占, 跟住去左奧海城睇"我女友係零零7", 套戲又真係幾好笑喎!! 冇乜expectation , 感覺幾輕鬆, 笑足兩個鐘~~~幾好~! 然後就喺超級市場, 買野返屋企整野食~!!! 哈哈~~~又係我煮~!!!

蒜蓉炒菇, 哈哈~!! 今次終於冇炒燶啲蒜蓉啦~!! Yeah!!!!

粟米湯.....當然係罐頭開出黎, 再煲架啦~!!! 嘻~!

喺超級市場買左兩包椒鹽雞翼同台式香腸, 焗25分鐘左右~~

剛剛好~~~~食得~~~~椒鹽雞翼~!

台式香腸~~~有兩種味, 香辣同黑椒~ 香辣嗰隻好味啲 (紅色嗰種)

再努力~~~~嘻~~~!!!

燒雞扒印尼撈麵~~~

星期四晚, 好懶~~又冇乜力去做占, 所以喺Market Place 買左一包醃好既雞扒, 15蚊. 同一Pack印尼撈麵, 5包12蚊. 返屋企整野食睇宮心計, 呵呵~!!!

其實都唔係花精神時間乜濟...將雞扒放入烤爐, 烤15分鐘, 再煮麵, 好快就搞掂晒~!

有啲朋友以為係咩高難度野, sorry ...我出貓咋~~~啲野都唔駛我醃~呵~~~!

最主要係洗..............................哈哈~!!!

X男下廚 - 牛仔骨 , 蒸元貝

終於都到我大展身手啦~!!! 哈哈哈~!!! 由我煮返俾DL食, 今次煮乜~~?

嘻~~向下望咪知囉~~!!!!

擺好個陣先~!!!!!!!!

今日DL話喺supermarket見到啲元貝幾OK , 所以買左一pack 俾我試下蒸黎食~!(懶得洗嘛~!)
但係呢, 佢啲蔥應該分開一包上, 唔好連埋一齊...蒸得黎都黃晒lu~

除左蒸元貝, 仲有煎牛仔骨呀~! 嘩~~講起呢個牛仔骨呢, 佢都算好平下喎, 29蚊一包, 有成4-5塊, 買左兩包~~~解凍後, 用黑椒同鹽調下味, 就拎去煎, 我手腳太慢....煮既過程我影唔切啦~~~~!!! 好忙架~~~~~~!! 哈哈~!

都OK 啦~~~我唔係好識得點控制電磁爐個火路, 算係咁啦~!
係熟咗少少啫~! 算好成功架啦~!!!! 呵呵呵~!

再加埋啲黑椒同芥末醬一齊食~~~~~搞掂!

元貝蒸完之後, "痺"咗啲水, 再淋滾油同豉油~~~食得~!

DL就煲湯~~~椰子紅籮白豬骨湯~!!! 正~!!!

我呢個入廚初哥都算係咁啦~! DL話我俾自己幾多分, 我話50啦~! 可以再好啲, 煮多啲經驗豐富啲~!!! 咁就會煮得好食啲~!

X男食桌 之 牛扒餐

哈哈哈~!!! 喺我仲未大展身手煮野俾DL食既時候, 佢又煮多次啦~!! 哎呀!! 我欠佢兩次呀~! 哈哈哈~!!!! 佢話今次試下整牛扒~!

佢嗰日都搞咗成日呀~~~!!! 辛苦晒~!! 我下次會煮中菜~!!! 哈~!!!!

點晒蠟燭~~~~懶個有情調咁~!

呢個蠟燭台喺Bangkok 買架~! 幾靚~!

扮晒有情調咁啵~!

黑椒同法式芥辣(芥辣可是我至愛哦~!)

完成了~!!!! 嘩~~~~~~!

炒椰菜仔~

牛油芝士焗大菇~

煎牛扒~!!

好野~! 又有得食~!!!

好味喎~!!!! 我俾10分~!!!! 哈哈~!!!

下次到我啦!

X男廚房 之 煎牛扒 炒白菜

哈哈!! 我又玩煮野食啦~!
之前答應過DL要煮返一次(至少)俾佢, 咁我就襯有時間就練習一下先~!!!

今次試下煎牛扒!!
嗱~! 事先聲明呀!!! 呢個牛扒唔係現成醃架~!!!! 完全係我自己醃架~!!! ALL BY MYSELF~~~~I WANNA BE~~~~~(唱首歌先~~~~~)
用少少鹽同黑椒醃10分鐘先~
襯呢個時候就炒菜啦~!!! 哈哈~!! 唔好嘥嘛~!
就咁用蒜蓉炒咋...好簡單...! 哈哈哈~!!!
搞掂.....原來一個食三棵白菜會好飽囉........!!!!
第一次煎牛扒...唔係好識控制個時間...
你地望落去好似好熟咁....其實係得個面咋...我諗4成熟左右....食食下覺得都係生得濟...!! 再煎過!!! 哈哈!!!!! 下次再努力!!

食晒之後真係好鬼飽囉.....

幸福之食桌

其實都係幾個星期前既一頓飯, 朋友親自下廚既晚餐, 佢話佢已經幾年冇入過廚房啦! 不過都煮得好好架啦! 同埋慶祝埋佢新居入伙, 順便幫佢個廚房開光嘛~!

呢度個蠟燭台對住出面個海景, 真係有一番情調架~! 最好拎住杯酒喺度飲都幾有mood!

特登喺樓下買咗兩枝細細既香檳仔, 哎呀....影完相先知....冇mit到啲招紙....HAHA!

蕃茄薯仔肉碎湯, 好多好豐富既材料!!! 基本上, 佢用左4人份量既材料....哈哈!

蒜蓉煎雞翼, 好香呀!!

椒絲腐乳炒通菜

清湯伊麵

嘩!! 完成啦!!!! 我唔客氣啦~!! 哈哈! Thank you , DL! kiss!