哈哈哈~!!! 喺我仲未大展身手煮野俾DL食既時候, 佢又煮多次啦~!! 哎呀!! 我欠佢兩次呀~! 哈哈哈~!!!! 佢話今次試下整牛扒~!
佢嗰日都搞咗成日呀~~~!!! 辛苦晒~!! 我下次會煮中菜~!!! 哈~!!!!
點晒蠟燭~~~~懶個有情調咁~!
呢個蠟燭台喺Bangkok 買架~! 幾靚~!
扮晒有情調咁啵~!
黑椒同法式芥辣(芥辣可是我至愛哦~!)
完成了~!!!! 嘩~~~~~~!
炒椰菜仔~
牛油芝士焗大菇~
煎牛扒~!!
好野~! 又有得食~!!!
好味喎~!!!! 我俾10分~!!!! 哈哈~!!!
下次到我啦!
哈哈!! 我又玩煮野食啦~!
之前答應過DL要煮返一次(至少)俾佢, 咁我就襯有時間就練習一下先~!!!
今次試下煎牛扒!! 
嗱~! 事先聲明呀!!! 呢個牛扒唔係現成醃架~!!!! 完全係我自己醃架~!!! ALL BY MYSELF~~~~I WANNA BE~~~~~(唱首歌先~~~~~)
用少少鹽同黑椒醃10分鐘先~
襯呢個時候就炒菜啦~!!! 哈哈~!! 唔好嘥嘛~!
就咁用蒜蓉炒咋...好簡單...! 哈哈哈~!!!
搞掂.....原來一個食三棵白菜會好飽囉........!!!!
第一次煎牛扒...唔係好識控制個時間...
你地望落去好似好熟咁....其實係得個面咋...我諗4成熟左右....食食下覺得
食晒之後真係好鬼飽囉.....
我近日手痕好想學下點樣整野食, 好似我阿媽話齋, 識飲識食, 最好就識埋點煮啦~! 我就好努力咁去嘗試一下, 點樣煮野先......第一次...簡單啲啦~! 呵呵呵~!
喺吉之島買左包冷面黎煮.....係呀...其實我真係幾中意食冷面~!
滾咗水之後, 就放個面落去, 一路攪, 一路煮佢5分鐘~!
跟住要拎上黎過冷河, 然後隔晒啲水, 放雪櫃備用~!
差唔多到食嗰時先拎返出黎, 加啲紫菜~搞掂! (普通四洲紫菜得啦~!)
跟住烤雞扒, 點解要係用烤呢...? 唔煎?! 唔係快啲咩?? 係呀...煎係快啲呀...全因為...屋企有烤爐..同埋, 個煎PAN個膠紙印去唔到, 唔用得.....!!!!
烤咗大概25分鐘, 正~! 搞掂~!
麵豉湯.....唔好以為我咁勁....即沖架咋~! 啲日本師奶個個都係咁架啦!!!
第一次既處男下廚, 搞掂晒~!!!
上個星期, 又黎玩煮野, 買咗啲雞槌返黎自己醃, 落啲香草, 蜜糖, 入去烤15分鐘~~然後再加埋啲芝士腸落去, 再烤多10分鐘左右, 掂晒~!
雖然唔太靚....但係我覺得噢畸架喎~!!!!
滿意的眼神~!!!!
跟住係蜜豆炒雞柳~ 可能我手勢太慢....唔係好識控制啲火路..搞到有啲痴底~!
炒到出黎都幾噢畸啦~! 初學者既高難度挑戰黎架啦~!
主食依然都係冷面, 因為其實屋企冇飯煲~!
Yeah~!又搞掂~!
當晚同場加影.......玩煲湯~! 青紅羅白煲瘦肉~!
煲滾啲水先~~~~~~~不過我落多咗水~! 所以之後比人地話我啲湯好淡....
我下次會落少啲水.........哈哈~!!
唔知係咪我阿媽本身都唔落太多味, 慣咗淡淡地, 其實我都覺得幾有味啦~!
希望下次再整得好啲~!!!! 多謝晒~!
