我由前年開始教中學話劇, 呢間學校又真係幾奇趣...奇趣在於佢地有心投放好多資源喺課外活動上邊, 但係資源及技術資源分配卻往往是偏重於某一方面....例如某高層自己為某語文科的巨頭, 卻以自己的高層權力霸佔大部份資源去使用, OK~你地做到有啲成績係必然既事, 因為某語文科實在佔用了全校活動大部份的資源, 試問怎能不做得好? 可憐我們的話劇學會, 時常要打遊擊, 編排地點又一時一樣...學校要我地表現卻編不到時間給我們使用場地, 燈光, 音響, 所有技術支援一律"理得你死"~!
事例已經喺呢幾年不斷咁發生架啦~! 之前成日都叫人做表演, 但係又唔offer 個場地俾你, 連technical run都欠奉, 你估野野都全台世界光咩, 一個sound effect 都唔駛用呀?! 痴鬼線~! 上星期五比我預到一個俾我"發難渣"既時機...!!!
上星期五下午, 我返到學校排戲, 問我地組既Miss, 話我地用禮堂排戲, 4點至6點, 咁我地就上去啦....去到禮堂, 有個鬼婆Miss 仲用緊, 我地就喺下邊等陣先...well....我啲學生4點15分過後先逐一蒲頭......因為原來星期五最後一堂係班主任週會堂, 所以會遲....(早講呀!!!!)
個鬼婆Miss 同我講話佢會用到4點20分, 之後會還返俾我, OK , 咁我地喺下面慢慢等, 橫掂都未齊人. 個鬼婆Miss 用完之後, 我立即叫學生幫手上台set 野, 我啲學生個個都以九秒九既姿態飛過去搞掂晒~~~突然有個師奶Miss 同我講...
師奶Miss : 唔好意思, 個場係我地Book 咗架喎, 你地唔係用呢度.
我 : 唔係喎, 阿X小姐同我講話我地用禮堂架喎, 你check 清楚未?
師奶Miss : 唔係喎, 你搞錯啦, X小姐話你地係Book台後面喎, 唔係用台前喎!
我 : 咩話?! 台後?! 咁我想問邊有人咁Book呢啲位架? 我乜都唔知, 我淨係知阿X小姐同我咁講叫我用禮堂既啫.
師奶Miss : 咁你地幾時表演? (<---問黎做乜呢??)
我 : 19號開放日
師奶Miss : 哦...
我 : 咁你地呢?
師奶Miss : 我地都係喎! (<---妖~! 咪又係同一日~! )
呢個時候另一個課外活動主任剛剛來到....我就好大聲咁特登比佢聽到...
我 : 咁我地都係大家同一日做同一樣既野, 咁點解你地有得用禮堂, 而我地冇得用先? 首先, 我唔知你地學校場地喺點樣分配? 同埋, 阿Miss 你都不如去Clarify 一下成件事究竟係點先同我講!
師奶Miss : (一邊走返落去, 一邊講) 其實係我地Book咗先架喎.....(唔知佢講乜)
某主任 : 阿Sir呀, 其實呢阿X小姐係話你地唔係用個台既, 咁其實係用台後面?
我 : (呢個時候我就最好戲架啦~~~~)阿X Sir, OK冇問題, 我地撤返晒啲野落黎, 冇所謂!! 但係我想問你, 究竟我地組幾時先有得上台排戲呢? 唔通就係表演既嗰15分鐘呀? 阿Sir, 咁樣你話係咪得先? 你話得我乜都冇所謂!!!
某主任 : er....er...........
當時嗰個X小姐打比我, 又同我講話其實我地用台後, 我話台後點用呀? 台下邊咁大個位唔用得架我地?!?? 佢話都得~~~跟住某主任示意我將電話交比佢同X小姐講~~~
我啲學生再將所有野從台上搬到台下...再過, 五分鐘, 某主任同我講, 話師奶Miss嗰組6點前會用完, 我話唔緊要, 橫掂我地都要排到6點半打後, 佢地走晒, 我地再用~!
之後一日, 星期六又係排戲, 連排四個鐘, 即有禮堂用, 奸計得逞~!!!!! Yes!!
你話呀, "宮心計"呢野唔係淨係喺宮廷至有~學校都要耍下手段, 先搏得少少甜頭咋~! 曾在校工作既有經驗人士同我講, 佢之前都發過難渣, 但冇人理過佢~因為佢個人太弱啫~~~~~呵呵~!!!! 師奶Miss , 呢個星期六開放日, 我同你"死"過~!!!! 哼~!
