Wednesday, June 25, 2008

Post-Father's Day Celebration@沙田鳳城酒家

大家都會覺得好奇怪......吓?! 而家先黎慶祝父親節? 係~! 冇錯, 你冇睇錯~!


因為我屋企多數都唔會喺"正日"做節, 一來怕同人迫, 二來又都預唔到時間, 哈哈~! 所以, 而家先黎做節~! 哈哈~!


做節之前, 家姐佢地黎左屋企坐, 元旦BB悠悠好可愛呀~!! 同佢影左好多相呀~!!!
大家睇下~!!!

悠悠見到我阿爸就喊, 睇下我家姐點氹佢~!

靚家姐陳太, 元旦B女悠悠~!

係咪好可愛呀我~?

喂~~~BB你望咩呀~~~?

同舅父仔影張相先~!


跟住出左去沙田行IKEA, 然後就去鳳城食飯~!!!

等左好耐呀......book左都要等~!

Daddy 節快樂呀~!!!!

哈哈~!!! 悠悠B戴左個頭飾呀~!!

又扭計又喊啦~!!

上湯炸粉果~!

要點個湯黎食架~!

野雞卷.......唔好食既~!!!!

八寶鴨~!!! 正~!!!!!!!!!!!!!!

炸子雞~! 又係正~!!!!!!!!!!!!!!!!!!!!!

菜心炒牛肉

大良煎蝦餅~!

西米焗布甸~!


間野太多人啦~~~~所以坐得好迫呀~!! 但係啲嘢係好食既~! 抵佢有咁多人幫襯~!
飽到癲, 頂到上心口呀~~~!!!


我負責埋單, 多謝晒~!

Tuesday, June 24, 2008

夏至~點解咁好Tan? @ 淺水灣+中環

上星期六, 同劇團既人去完戲匯既複賽後, 仲好早咋喎~~~!! 就自己一丁友去左淺水灣, 獨自曬陽~! 呵呵~! 好悠閒~!


嗰日淺水灣都好多人呀~!!



後面個天秤終於都拆左~但係...呢幢野搞乜起左咁耐都未完工既?

離遠已經有好多人曬陽啦~~~!!!

呢邊都好多人呀~~~~~!!!

嘩~~~~我曬左一陣都到爆啦~!!!

曬到暈低啦~~!!


4點幾..5點左右就收拾行裝返出中環, 嗰晚仲要去中環做個promotion! 咁去左IFC既ZARA行下, 減價喎~!! 買左件tee~! $13x~~! 跟住去左交易廣場既Triple-O's , 好正呀~!!

燒豬寶~!

磨菇漢堡套餐~~!!!!

好Yummy!!!!!!!!!!!!!!!


跟住, 8點半去會合製作單位去蘭桂坊做promotion, 扮一個叫Dexter既電視角色(係一個法醫官去殺人去懲奸), 咁個形象係要著醫生袍, 跟住成身都係血咁, 拎著個好大既公事包, 話俾人知, 最新Season既Dexter 已經喺NowTV播緊啦~!


做到1點幾, 落埋妝, 返到屋企...攰到癲......3點幾即訓.......!!!!

Sunday, June 22, 2008

星期五, 三缺一妖邊爐夜!!@德興火鍋,CWB

上星期五, 戲匯複賽既前夕, 我同阿魚本來話不如約食飯, 早啲食完飯就閃返屋企休息, 因為星期六call 朝早8點~!!!! 不過呢.....一來阿魚又因工事而遲到, 二來又要等禎禎選購新相機, 佢經過三十八重既掙扎之後, 終於Ricoh R8 跑出, 成為禎禎既新相機~! 恭喜~!


大家食得野, 等埋位都差唔多....十點~!!!! 哈哈哈~~~~!! 仲要係打邊爐咁早極有限啦~!!! 呵呵~!

阿魚魚~~呀~~扮晒cute cute ~~~呀~~~~!

禎禎...因乜解究你擘大左個口~!!!???

我等左好耐啦.....有野食未~!!!

華哥仔, 等唔切~~~起勢咁撈~!!!

嘩~~~~!!!! 禎禎.....你個為食樣....!!! 真係唔post 你都唔得~!


大家一齊研究黎緊個星期六幾點去機場check in , 同埋大家個schedule , 同埋個食野既攻略, 邊個袋公家既錢, 去溫泉浸咩價錢啦~~~等等~! 一食.....就12點幾....唉...返到屋企...都1點幾..2點......眠一陣晨6又起身去戲匯~!


各位, 我地星期六朝早好早成8點幾去機場check in 啦~~Fans 們唔好黎送機啦~!! 同埋我地會通知台灣既Fans Club 支部架啦~~~~哈哈哈~!!!!

Tuesday, June 17, 2008

Hi, X, 係呀, 好耐冇見. (舊情篇)

昨晚, 去做gym見到X, 呢個X係我既初戀對象, 而且仲喺一個曾經好愛既人, 兼且係一個離開過我兩次既人.


我曾經好憎佢, 曾經好想問佢好多問題, 曾經為呢個人好傷心, 曾經為呢個人買醉, 曾經為呢個人寫一個網頁(由此變左而家寫Blog), 曾經試過睇住ICQ既Message History無啦啦喊到收唔到掣... 同X 時間不長, 但係會無端端喺你生命中斷續地出現, 其實我覺得我同佢有緣, 呢種緣只不過唔係談戀愛那種.


而昨晚, 我見到X, 我心裡反應係"零", "零反應".


其實自己某程度上, 已經原諒左呢個人, 但係我係原諒唔到件事. 因為我自己唔可以令同樣類似既事情, 再發生喺自己身上, 唔好理嗰個係X又好, 係Y都好...都唔容許!


其實見到X, 我都好平常, 冇乜特別, 本身以為會好down, 不過又唔係.


只係覺得自己好似到呢個moment, 都未有一個能令自己有被愛既感覺既人出現過, 或者有... 可能miss 左, 都唔定, 但至少未曾察覺得到.


最後, 同X只有一句, "Hi , 係呀, 好耐冇見"



曾以這歌為誡
鄭秀文 - 為何又是這樣錯


謝謝你的出現, 使我想起一些事, 令我可以從這方面伸延至另一層面的表演!

Sunday, June 15, 2008

四小妖台北飄流記 - 不日上映

密切留意上映日期~! 只在Blog 內公映!


四妖將於6月28日去台北4天, 呵呵~! 大家都應該想睇下我地呢班白痴點癲法, 請留意本Blog, 將來會毫無保留, 赤裸裸呈現俾大家睇~!


哈哈~! 唔整唔知....原來用iMac整Movie好鬼易咋~!! 好開心~!

Tuesday, June 10, 2008

肉光初現 幻映色相 @ Boat Trip 8/6


阿寶成為AussieBum最新代言人!!


上星期六又黑雨又水浸, 船河host Leslie已經好鬼驚咁, 心怕搞唔成事! 就算搞得, 都可以剩係喺船入面玩.....咁好悶架嘛~! 結果, 竟然星期日, 全日冇落過一滴雨, 仲要出陽光曬到癲!!! 好開心呀!!! 新泳褲終於出動啦!!!

企船頭,懶得戚!

朝早九點零十點鐘左右都仲天陰陰, 以為可能落雨~!

船頭好涼爽呀!!!!

吹到頭都甩~!

原來我隻左手既位置都幾不雅喎.......

呢個pose 好彩條褲冇爆軚!

白痴朋友K先生

我喳~~~~~~~~~~~~~~!!!!

呢度就係我地隻船既目的地 - 西貢白立灣

我個眼神係咪好誘惑呢.........

唔好壓落黎呀............唔好.....停呀....

我條泳褲同我膚色都好襯喎!

真係曬到睜唔開眼!

AussieBum代言廣告第二擊!

想同我跳落水嗎?

變左隻燒豬啦~~~~~~~~~!!!

佢係host老友, Leslie

玩到好鬼攰.....第二日訓左12個鐘~!

Wednesday, June 4, 2008

妖~! 邊個偷咗我對鞋呀!??!?!??!?! (18禁警告:內附大量粗口!)

(警告:因本人極度激氣, 所以以下內容含有大量不雅用語, 如引來不安, 敬請原諒!)


我琴晚去旺角百寶利既"家周", 咁我第一件事就去沖涼啦~! 換好衫, 鎖好個櫃咪去沖涼囉...15分鐘後, 返去個櫃度, 換返好衫, 諗住著返鞋, 一搵...咦? 我對鞋呢? 去左邊呀? 我明明放左上locker 頂架? 仆街!! 唔係俾人偷撚左呀? 結果, 係淨返對襪.......


跟住我問個保安叔叔...
寶:唔好意思, 我之前放左對鞋喺呢度...而家唔見左, 唔知係咪俾人偷左...
叔:哦.....咁...你搵過晒未...?
寶:搵過晒啦...
叔:咁你搵到乜...
寶:搵返對襪
叔:咁你對襪之前擺邊度?
寶:梗係喺對鞋入面啦, 阿叔~!!!!
叔:咁你再搵下.......
寶:.............


寶:阿叔..而家咁即係點呀? 唔通我赤腳落街踩落石屎地呀?
叔:er...............
(突然有個大隻佬哥哥出聲)
佬:喂! 你地個club有拖鞋拎俾人架嘛, 你call staff 啦~!
叔:啊....係..係...
寶:...............


(十分鐘後)
職員甲拿著拖鞋上黎
甲:先生, 我地搵左好耐, 先至搵到一對...41號...
(屌....我著44架......)
寶:OK啦...唔該...
(頂~~~好撚夾腳呀....哎呀!! 好樣衰呀, 我仲駛喺"家周"行既?!)


跟住同d fd研究...
A:係咪你對鞋好新好貴架...?
寶:唔撚係啦, 著左成年啦, 好舊好殘, 仲好撚臭添~!!! 買嗰時都唔係新款啦~! 300蚊有找架!!!
A:唔通係你d fans 偷左?
寶:屌~!!! 唔係咁瘋狂呀???
A:可能係變態佬, 戀物癖嗰啲呢!! 聞著你對鞋, 諗住你個樣打飛機嗰啲呀..!!!
寶:屌佢老味呀!!! 如果真係咁既話, 我咪仲唔撚抵~!!!! 我拎上ebay 拍賣都唔只呢個價啦, 我賣2000蚊, 送多條底褲, 同埋私人泳褲照同親筆簽名俾佢又點話呀!!!! 頂佢個肺~!!!!!


唔好俾我知邊條"木咀"偷撚左我對鞋, 我一定咒佢爛袋爛到年廿九, 對腳生香港腳臭到裂開!!!! 屌你老味~~~~~~~~~~~!!!!

啲獎攞咗返黎啦~!!!! Yeah!!! 革命尚未成功, 同學們仍需努力~!


恭喜晒福建中學中文話劇學會!!!!!! 喺2007-08年度, 香港學校戲劇節囊括五個大獎!!


一洗以往既頹風之後, 我地就要著重培養同學對於中文話劇既興趣~!


下年, 雖然我地要俾個比賽既first priority去英文話劇學會, 希望我地抽中可以兩組一齊比賽就最好~! 祈望將來福中既所有話劇組都有更好既發展!!!!

Sunday, June 1, 2008

與禎妹妹遨遊"蝦巴城"食個tea buffet又買野~!

星期六喺觀塘教完班,就即刻飛出去尖沙咀去搵禎禎,因為佢星期五行過SOGO,見到大減價,而佢又知我又想換行李箱. 所以見到咁鬼平,一於幫我買左先,我星期六就同佢一齊去攞貨. 真係好抵架, 20"既行李箱都係400 有找, 25"都係459蚊, 29"既498蚊,抵到爛啦!!!!


當然,我地既然出到去尖咀,冇理由唔巡視一下名店業務同體察一下民情先! 禎禎話佢好想買新既數碼相機,SAMSUNG新嗰部NV24又真係俾d sales 講到曉飛咁劑...., 但係我又唔覺得真係咁good 喎.....係鏡頭wide啲, 但係zoom 盡既畫面都係略遜Canon. 不過, NV24既function同其他功能都聽落幾好,唔知有冇高人指點下?


我地行左好多間電器舖都問勻晒, 禎禎都係決定唔到, 咁我地就決定就去食個tea 先再行. 跟住去左"蝦巴城"既Marco Polo 酒店下面既Bubble Lounge, 佢地有個芒果做主題既dessert buffet, 嘩~! 啱晒我地呢啲甜品精, 又唔係好貴啦~!$148一位, 匯豐同港龍信用卡都係85折, 大來卡有8折, 睇下有咩食先~~~!



死都係自拍....絕不假手於人!!!!

呢個就係個buffet 枱啦, tea 咋...老細....係得咁多咋~!

好悠閒去食tea~~~~~~~~!!!! 好開心~!!

禎禎呢啲咪叫做"得戚"囉~!!

dessert buffet 都有少少熱食既, 有腸仔同蟹鉗.....關芒果咩事? 因為係...有個芒果sauce伴架....我地冇拎咋嘛....點解....查實...真係幾古怪架...

呢個係芒果乾冷麵, 其實嗰幾塊芒果乾.....唔係好覺有存在既感覺...

呢三個cake 我最鍾意右下嗰個好清爽, 正~!

我最鍾意呢個每人一客既芒果雪葩!!! 超好味~!!!!


嘩.....雖然唔係樣樣都咁好食, 但係坐得低就要俾錢架啦, 我就當然狂食沙律啦~!!!!
我地決定下次早啲去COVA食tea 好過, 價錢差唔多咋~!!!!!


跟住, 我地就徒步走去SOGO, 去辣多個round, 之後就去拎個喼! 一入到去, 嘩.....!!! 派米呀? 咁多人既~!?! 傻架? 最終都係行勻左成個SOGO, 禎禎本來話想買返件衫去client 既launch function, 但係SOGO入面既brand呢......hmm...我覺得有少少out....真係揀唔落手!!! 行左兩個round , 禎禎都係睇唔到野, 竟然冇野買!!!! 但佢遲啲會買個大Longcham袋, ok 啦, 幾實用既~!


跟住去返黎拎喼啦, 好彩早一步咋....唔係就撞啱又落貨, 又多人拎貨..!!! 大家睇下我個新喼~!!! 係咪好靚呢?