(警告:因本人極度激氣, 所以以下內容含有大量不雅用語, 如引來不安, 敬請原諒!)
我琴晚去旺角百寶利既"家周", 咁我第一件事就去沖涼啦~! 換好衫, 鎖好個櫃咪去沖涼囉...15分鐘後, 返去個櫃度, 換返好衫, 諗住著返鞋, 一搵...咦? 我對鞋呢? 去左邊呀? 我明明放左上locker 頂架? 仆街!! 唔係俾人偷撚左呀? 結果, 係淨返對襪.......
跟住我問個保安叔叔...
寶:唔好意思, 我之前放左對鞋喺呢度...而家唔見左, 唔知係咪俾人偷左...
叔:哦.....咁...你搵過晒未...?
寶:搵過晒啦...
叔:咁你搵到乜...
寶:搵返對襪
叔:咁你對襪之前擺邊度?
寶:梗係喺對鞋入面啦, 阿叔~!!!!
叔:咁你再搵下.......
寶:.............
寶:阿叔..而家咁即係點呀? 唔通我赤腳落街踩落石屎地呀?
叔:er...............
(突然有個大隻佬哥哥出聲)
佬:喂! 你地個club有拖鞋拎俾人架嘛, 你call staff 啦~!
叔:啊....係..係...
寶:...............
(十分鐘後)
職員甲拿著拖鞋上黎
甲:先生, 我地搵左好耐, 先至搵到一對...41號...
(屌....我著44架......)
寶:OK啦...唔該...
(頂~~~好撚夾腳呀....哎呀!! 好樣衰呀, 我仲駛喺"家周"行既?!)
跟住同d fd研究...
A:係咪你對鞋好新好貴架...?
寶:唔撚係啦, 著左成年啦, 好舊好殘, 仲好撚臭添~!!! 買嗰時都唔係新款啦~! 300蚊有找架!!!
A:唔通係你d fans 偷左?
寶:屌~!!! 唔係咁瘋狂呀???
A:可能係變態佬, 戀物癖嗰啲呢!! 聞著你對鞋, 諗住你個樣打飛機嗰啲呀..!!!
寶:屌佢老味呀!!! 如果真係咁既話, 我咪仲唔撚抵~!!!! 我拎上ebay 拍賣都唔只呢個價啦, 我賣2000蚊, 送多條底褲, 同埋私人泳褲照同親筆簽名俾佢又點話呀!!!! 頂佢個肺~!!!!!
唔好俾我知邊條"木咀"偷撚左我對鞋, 我一定咒佢爛袋爛到年廿九, 對腳生香港腳臭到裂開!!!! 屌你老味~~~~~~~~~~~!!!!
9 comments:
黎d事情真係唔係第一次見到, 成日都聽到日話偷鞋, 汗衣仲有底褲, 下次小心d啦, 咩都係放晒入locker好d!!
鞋都偷，真係變態
今日有新聞有人強姦九十歲阿婆，咩世界呀？
casper, 我諗住舊鞋...著到咁鬼殘都一定冇人偷嘛! 基本上, 如果係新鞋呢...我會放入locker既....哈哈!
naruto, 點解呢個世代咁多變態既人...慨嘆-ing !
你唔知有人鍾意second hand咩??
唔係都唔會有人買二手衫褲, 下次小心啦!!
casper, 唔通我對鞋會喺second hand店出現...:P
你咒佢香港腳，唔通因為著咗你對鞋
加記素來咩人都有, 咩事都會發生, 偷鞋偷底屢聽不少, 所以咩都要擺入locker...當小教訓啦.
naruto, hmm.......我....:p
總之佢一定會生香港腳啦~!!!!
artman, 唉...我下次放埋我既貞操入去locker...唔係又俾人偷埋~! 哈哈~!!!
你....仲有? :p
Post a Comment