Wednesday, October 13, 2010

Tuesday, July 20, 2010

半年沒有寫Blog 的日子

過去的半年, 真係好忙, 有好多改變, 有好多計劃, 今年要好好加油~!


六月頭嗰陣忙完個話劇比賽, 雖然入唔到決賽, 不過口碑都幾好!


六月尾去左一次曼谷啦~!



成年第一次曬竟然喺曼谷囉~!

呢次trip 好嘆呀~~~~唔趕唔忙, 日日都hea hea 地, 同.....

去食野, 同埋按摩~~~!!!!!!!

路過參觀左一下燶咗既Central World, 聽聞下半年會開返喎!

去左還神and求神again~!


剛剛嗰個星期又完左第二期傷殘青年協會既話劇班, 好開心呀~~~!!

教左好幾年話劇, 終於收到學生既感謝卡呀!

我班學生呀~~~! 大家繼續加油呀!

超感動呀~!


仲有八月六至八號有新話劇上啦~! 最後轉入直路啦~!!! 有冇興趣睇先~?

估吓我個角色係乜~?

深沉............................


有時間我會update 個blog 架啦!!!!

Monday, February 1, 2010

食在i-sqaure

講返上次去尖沙咀1881行街, 行咗兩day, 同日行程就係喺i-square 都食咗兩day~!


第一站: Monster Sushi


識呢間日本壽司店係因為係吳彥祖開既, 去到都怕怕地冇位架~! 因為都幾多人下架......不過, 竟然喺5分鐘內又等到位啵~! 好彩啫~! 最怕就係等~!



Monster Sushi 既Lam晒利logo~

有得食未呀?

見佢地整野都幾企理~!

阿魚搞乜鬼又扮醉拳?

帆立貝壽司, 記住一定一定要叫柯打既, 唔好拎迴轉!!! 柯打既新鮮好多~!

呢個玉子松葉蟹膏軍艦係必點既推介~!

連我都唔記得係乜~~~

唔記得咗 x2

燒帶子又係爆好味~!

火炙三文魚壽司

壽司王

後面既玉子壽司切記唔好狼吞虎嚥, 食清楚佢既味~~同其他既日本餐廳唔同架~!

辣汁三文魚卷

唔記得左x3


第二站: PHO24


同Monster Sushi 同一層既PHO24, 越南菜, 本來冇乜expectation, 就係貪佢冇乜人, 咪入去試下, 結果又OK喎~!!!!

PHO24

拍一張~~~~


DL叫左個生牛肉河, 我冇影低呀, 但係份量好大, 我見佢食極都唔完既~?

我呢個係燒豬柳蛋餅煎蛋飯, 個豬柳燒得好似豬肉乾~~好正~!

魚露雞翼, 又係好味~!


i-square 仲有好鬼多食肆....有好多都想試呀~~~!!!

Wednesday, January 20, 2010

你地班死仔呀.................

上次校慶我地話劇組演出大成功~~~!!! 所以今年第一堂之後, 就請佢地食餐勁~! 但係估唔到............呢班死仔勁食得囉~~~~~喪點左70幾個items.......嚇到個部長拎住張單埋黎問...係咪真係要咁多野~!!!!! 變態架~!!!!



張單水蛇春咁長.................差啲都影唔晒~~~!

堆到成座山咁高................你地班野同我食晒先至好走~!!!!!!!!!!!!
仲有.....我想話....其實呢班女仔竟然係最食得.....唔駛咬咁架....!!!

連我都怕鬼左佢地....


結果, 盛惠千二蚊...........


多謝晒ssssssssssss, 下年再努力~!
 

Sunday, January 10, 2010

朱古力MOUSSE cake懶人做法~~~

呢個朱古力慕絲凍餅..初時係諗住聖誕節整俾DL一齊"做節"食既, 但係平安夜嗰晚去完玩之後, 我同佢都好唔舒服, 成day 都係喺屋企休息.....勁慘, 咁啲材料剩晒喺度~~~咁啱孖咪佢地又話黎唐五開除夕"趴地", 哈哈~~~!!!啱晒~~~唔駛嘥晒啲料~~~!! HEHHEHE!!!


我初初問人地整凍餅係咪好難架~~~啲高手個個都會話~~其實都唔係好難整既~~但係我一睇份材料單咁鬼多樣野就好鬼暈~~哈哈~~~始終我都唔係一個料理好手嘛~!


不過, 我去到尤小姐介紹我去嗰間蛋糕材料舖, 俾我搵到啲出貓材料, 唔駛整得咁辛苦~~! 嘻嘻~~~~懶人萬歲! 出貓材料包括有~~Oreo餅乾碎, 朱古力慕絲粉~! 工夫少好多~! Yeah!


第一個步驟係煮熔啲牛油先~咁要睇下你用幾多餅碎, 預返幾多, 因為我試過跟材料單整, 會好少牛油...我會覺得最後個餅底會好鬆, 所以落多少少會好啲~~! 至少唔會一陣沙咁~!



熔左牛油之後, 熄火~~就倒啲餅碎~~~撈呀撈~~撈呀撈~~

跟住就倒落個餅摸度片實佢~~!!!!幾靚~! 跟住就即刻放入雪櫃備用~!

出貓材料朱古力慕絲粉出場~! 若覺得唔夠朱古力, 可以加多少少可可粉~!

400ml 淡忌廉, 打呀~!!!!!!!!!!!!!! 最緊要係快~!!! 但係真係好鬼攰~!

打到起起地, 倒埋啲慕絲粉同可可粉落去~! 又係勁打一輪~!!!!!!!

打到結晒, 起晒漿~!!!!! 呢個moment ...你會有啲後悔...做乜唔買打蛋器呀!!!


倒完落個模, 再片實佢, 片靚個面~~~放入雪櫃~~~3個鐘後~~~~~~!!!

登登登登~~~大功告成~!!!! 6"朱古力慕絲凍餅~!! 完成~!


除左嗰三個鐘雪凍佢之外, 前置功夫都係40分鐘之內可以完成~~~!!!


懶人萬歲~!

Monday, January 4, 2010

2009除夕倒數HOME PARTY

2009年最後一日, 我留左喺唐五屋企冇出街呀,
因為我地一大班人開Party哦~!!!! WOW!!!!



一大班人一齊大吃大喝, 好開心架~!

我與Clare~~~~

燒肉~~

燒鵝~

陳威肉燥西面~!

課長黑椒蜜糖雞翼~~~~超好味~!!!

孖咪整緊布甸同沙律呀~!

阿魚食到個樣呢...............eeee~~~~~ 華仔都冇眼睇~!

本來好FULL架~~~一陣風過後.........................

仲有我親手整既特濃朱古力MOUSSE CAKE~!!!
遲啲講下整呢個CAKE既過程~~~

茄茄帶左個寶麗萊~~梗係勁影一餐~~~~!!!!

最恐怖既事終於發生左~!!!!!
凌晨1點幾, 有人話好想食Haagen-Dazs....咁落左去買....點知一買...就係.....
雪糕火鍋.............................!!!!!!!!!!!!!!!!!!!!!!!!!!!!!!!!! 痴線架~!

點個火先~~~~~~

有黑白朱古力漿你揀~~~~

食啦~~~~~仲等~!!???

連乾冰都玩埋~~我個樣係咪好"夢幻"呢~~~~?


Happy New Year~!!!!