Tuesday, August 26, 2008

四小妖台北飄流記2008 DVD 預告

四小妖既台北之旅~~之前你地都見到晒d 遊記同靚相架啦~!!!


喺我連續幾晚勁剪~~~勁砌下, 終於比我整左個DVD 預告~!!! 當然我仲有好多條片唔俾得大家睇啦~!!! 因為只限四小妖粉絲們專屬訂講~~!!! 數量有限哦~~~! 呵呵~!


前幾日攝服左喺嵐嵐既威迫利誘既淫威之下, 俾佢拎左個首播權~~~唔緊要~~我都係遲佢一日咁多je~~!! 希望大家睇得開心高興既話, 就按下拍手, 睇多幾次咁啦~!!!


Sunday, August 24, 2008

城城有新歌呀..........!!!! Olympic~~~!


友誼的光彩-張如城


嗱~!!! 我冇呃你架~!!! 佢真係叫"城城"架~!!! Cyrus 同 Benji都係咁叫既~!
嘩~!!! 佢首新歌呀~~~~聽到耳都痕~!! 唔好意思~! 唔識國語...就唔好唱國語啦~!
仲有...啲音又唔準~~唔知唱乜....仲衰過幼稚園唱遊堂~!


不如重溫一下"樂壇惡夢" - 張如城之前既歌~



愛意...............

真愛是真..........


如果相較之下....
我寧願BUY 佢....



She Bangs - William Hung 孔慶翔


至少佢有幾粒音同咬字係準~!
願主保護我們之聽覺~!

Wednesday, August 20, 2008

熱..熱..熱..熱烈地渴求~~~~~!!!! 黃伊汶 "The Groove In Me" 專輯




渴望 MV


呢個星期買左黃伊汶既新碟 The Groove In Me, 初時我只係喺收音機聽到兩首主打歌, "渴求"同"兩面". 不過原來全隻碟都真係好OK!!! 大家如果有留意我既Blog 都知, 本人極喜歡跳舞歌, 之前已經介紹過鍾舒漫既"扭曲"同整張"乖女仔"專輯. 今日係介紹成隻黃伊汶既"The Groove In Me"大碟!!


黃小姐繼上次專輯"Good Show"之後, 又消聲匿跡一大輪, 其實係因為同環球既合約完咗, 咁今次簽咗藝能製作(劉德華, 李克勤之經理人)發行呢張專輯, 自由度比之前更大!


捲土重來以性感造型加強勁節拍打造新專輯, 仲有歐洲打碟天皇Jamaster A合作, 製作十二首全新作品. 之前你地都應該聽過"渴求"同"兩面", 感覺節奏十分強勁, 聽得令人熱血沸騰, 加上呢排本人正在落力地減肥中, 一路跑一路聽呢首歌, 十分之有Feel~!!!


除左呢首歌之外, 有一首重點歌叫"從沒離開"既國語作品, 呢首由劉德華填詞, 以舊曲"人在旅途灑淚時"的旋律編上新姿, 演繹亦得十分恰到好處, 潮得起既舊曲新詞作品! 乍聽之下, 比較似韓風改編作品! 仲有一首"殘忍2010", 沒錯是翻啅自己金曲之作, 重新混音演繹別具風格~!


其實黃小姐收埋自己潛修舞藝同強健自己既體能, 立志成為勁舞女皇! 唱片公司今次千祈唔好手軟, 一定要令黃小姐進佔香港"舞女"首位, 不要讓容小姐專美!





兩面 MV


PS. 另現在熱烈地渴求8號風球的來臨!!! 快啲啦~!!!

Tuesday, August 19, 2008

今期新寵~~~觸摸得到的鑽石


好靚既外型呀~~~~~~~~~~~!!!!!

其實部機又冇我想像中咁慢喎...呵呵~!


大家呢期成日都係"愛風", 但係我偏偏冇乜興趣~! 我鍾情於鑽石~!


其實兩部機不可以真接比較, 因為部既OS都唔一樣~!


講快, 一定係"愛風"; 講Function, 一定係"鑽石".


其實各有所長je~!


同埋, "愛風"既真實既價錢, 並不是1600蚊(US199)咁平.....大家要知係要綁約的..一波過都係要俾4千幾....所以我誓死唔用"4減1台", 收得差.....唔覺得我付出同應得既成正比囉~! 最緊要係個台衰.....!


我而家用開既台....upgrade 3G plan 24個月, 可以減2500蚊...仲有得分期~!!!


呵呵~! 賺晒~!

Friday, August 15, 2008

創業軒 - "能人所不能"話劇劇本創作比賽公開演出 Featuring 藍岸

剛剛過左去既星期日, 我同藍岸被社署及7A戲劇班, 邀請為創業軒主辦既"能人所不能"既話劇劇本創作比賽, 作表演團體, 極之榮幸~! 我帶大家看看當晚既實況啦~!
仲有仲有~~~多謝雪兒同花老師黎同我地影相相呀~~~好開心呀~~~!!



就係呢個表演啦~!

我同後台既"靚仔們"~~!!!!

後排左起~ASM 波子, Andrew 同 William, 前面係SM Van仔~!

波子...你點睇都唔似大學生囉........................!!WAKAKAKA!!!

William 你好叻仔架啦~~~佢得14歲咋~!!!

Andrew..唉....你咪掛住你個髮型啦~! 死仔, 行動快啲啦~! 佢都係14歲..=.="

大家早到等食飯~~~當然勁影相先啦~!

我除左為呢個表演做導演之外, 我仲有另外既任務...就係化妝!!!!!
擘大你個咀咀啦~~司房先生~~~靚晒~!

因為舞台上既妝係輪廓比較深啲~所以打既陰影都要深少少~~~!

多謝雪兒同花老師幫我地影相呀~~~等我可以懶pro咁~~~!!!

司房先生個妝~~~靚晒~~~~~~~~~~~~!!!!! 好sharp耶~!

表演啦~~~!!! 個個都好得戚既款~~!!! 不過~~你地真係表演得好好~! 多謝你地~!

仲有感謝狀一個~!! 我地會好好Keep 起佢架啦~!


仲有, 多謝佩詩令我地有個咁好既機會表演~~
多謝孖咪俾左好多導演上既指導我, 同埋幫我安排左好多野
多謝禎禎, Rita , Anne , Bonnie, 左左, 奶仔, 卓柏麟, 司房先生為我呢套"缺陷美"演出, 雖然時間得幾個星期, 但你地既表現係十分之Good~!!!
最後仲有後台既DSM茄茄, SM Group Van 仔, 波子, Andrew, William !!


多謝有份支持呢個活動既朋友, Thank You!

Monday, August 11, 2008

逑戲 + Sex In The Kowloon City

上個星期六, 去完荃灣大會堂入台之後, 就去左睇兩個Drama show! 兩個都有我既朋友演~~加油呀~!!!


逑戲 @ Fringe Club



Skyway 今次演得好好, 超好睇~!

師姐~~~你好靚呀~~~~!!!


睇完之後去灣仔買左扎花~~~~~

靚靚呢~~~!

我, 奶仔, 孖咪~~!!


點解去買花~~~就係因為睇魚魚~~~呀~!!


Sex In The Kowloon City @ 牛池灣文娛中心

此為我幫佢地造型既poster ~! 索~!

阿魚~~~~你好靚呀~!!!!

阿Sho 又黎左~~~!!!

Carmen , 魚魚, Rita~~!

魚魚同Kingsly~!

嵐嵐, 也也同禎禎掛住喺中環Shopping遲左入場~!! 比我鬧左一大餐~!!!!
哼~!!!!! Ray 好Good Show 呀~!!

恭喜你呀, 阿Ray~~~~~~演出成功~!!

四小妖合個照先~~~~~!!!

魚魚...你個胸大左喎~~~~~~~~~~~~~~!!!!!!!!!

魚魚&禎禎~!

美麗家姐~~~

孖咪同魚魚笑淫淫咁既樣~~~!!

魚魚, 下次幫我做套戲啦~~~衰~!


跟住, 拉大隊去左奶仔屋企打牌~~~~我冇輸贏...但累左朋友仔輸錢~~~唔好意思~~最多我請你食餐飯啦~! 哈哈哈~!

Wednesday, August 6, 2008

呢幾個人...係咪痴線架~!?

現在通緝呢幾個人.........如見佢地喺日本餐廳出現.....
小心你地既壽司同刺身既存量.............



1號重犯.....禎禎
佢曾經創下一壽司店內既勁食紀錄!!!

2號重犯....司房先生
唔好睇佢斯斯文文, 對住啲野食都唔係人咁品~!

3號重犯......阿寶
一睇就知呢條友個胃大到可以撐船啦~!

為食得你個樣.......!!!!!

咁啲壽司有特價嘛.......咁咪叫多啲囉......

其實仲未黎齊架~~~仲有好多架~~!!! 哈哈哈~!


我地呢餐每人食左160蚊~~~嘩~!! 飽死人啦~!!!!!!!! 特價都食左咁多!! 係咪痴線架~!

Monday, August 4, 2008

香港先生之夜@My Home

02/08/2008


嘩~!!! 做香港先生咁大件事, 一定要約埋成班人一齊睇先夠晒過癮架嘛! 如果唔係, 一個人好孤獨咁睇好無聊架嘛~! 我地晨早約晒成一大班人, 一年一度將我屋企攻陷, 哈哈!! 大家睇下當日既激戰情況~!



咁多人, 點少得雀局呢~~~? 禎禎你扮Q~!

禎禎嗰頭扮完可愛, 呢頭幾咁認真!! 也也...你副牌好靚呀?

阿Cliff打左咩牌呀~!? 禎禎個樣咁離奇既~~!?

飄紅半倚梳化~~~等食~~~~!

仲有阿Ling 同嵐嵐耶~~~~地方淺窄~~坐住先~~!

司房菜先生又大顯身手啦~~!!!!!! 你煮左好多野啦~!!!!!!

好齊人既一張相~~!!! 咦~!? 唔係喎~!! 仲有一個呢~!?

咪係仲欠我囉~!!!! 點少得我~!

哎呀~~~課長同司房生沉左落去呀~~~呵呵~!

嘩~~~~~~~~好多野食呀!!!!!!!!!!

呢個係我媽咪整既醉三寶, 雞翼, 鴨舌同蛋~! 好味到暈~!

跟住全部都係司房先生既傑作~~~清酒煮蜆~!

冬蔭功雜菜~!!!

蜜糖雞翼~!!! YUMMY~~~~~~!

炒油麵~!!!

炒飯~!!


我地睇香港先生既時候, 又要食野, 又要嗌, 又要笑~!!! 唔記得影相呀!!!! 哈哈~!! 唔好意思, 你地睇唔到我地點癲法~~! 呵呵~! 不過, 大家都keep 中左12號朱允崇得冠軍!!!



Yeah!!!!!!!!!!!!!!!!!!!