昨晚, 去做gym見到X, 呢個X係我既初戀對象, 而且仲喺一個曾經好愛既人, 兼且係一個離開過我兩次既人.
我曾經好憎佢, 曾經好想問佢好多問題, 曾經為呢個人好傷心, 曾經為呢個人買醉, 曾經為呢個人寫一個網頁(由此變左而家寫Blog), 曾經試過睇住ICQ既Message History無啦啦喊到收唔到掣... 同X 時間不長, 但係會無端端喺你生命中斷續地出現, 其實我覺得我同佢有緣, 呢種緣只不過唔係談戀愛那種.
而昨晚, 我見到X, 我心裡反應係"零", "零反應".
其實自己某程度上, 已經原諒左呢個人, 但係我係原諒唔到件事. 因為我自己唔可以令同樣類似既事情, 再發生喺自己身上, 唔好理嗰個係X又好, 係Y都好...都唔容許!
其實見到X, 我都好平常, 冇乜特別, 本身以為會好down, 不過又唔係.
只係覺得自己好似到呢個moment, 都未有一個能令自己有被愛既感覺既人出現過, 或者有... 可能miss 左, 都唔定, 但至少未曾察覺得到.
最後, 同X只有一句, "Hi , 係呀, 好耐冇見"
曾以這歌為誡
鄭秀文 - 為何又是這樣錯
謝謝你的出現, 使我想起一些事, 令我可以從這方面伸延至另一層面的表演!
4 comments:
ICQ history, 睇黎都係N年前既事...
Anyway, 緣份呢樣野未到就未到, 不過只要你係好人, 一定可以搵到另一半既, 你咁恨拍拖咩?
artman, 老實說拍拖呢樣野係好隨緣...冇話恨唔恨, 不過都係一時時...因為我自己都好多野要做....都冇乜時間拍拖 :P
其實每段戀愛都係不同的經歷, 分手後你能夠了解自己多左, 又明白如果對待下一個情人, 你已經成功左!! 加油!!
casper, 我一向都好多謝佢令我睇清好多野架~! 哈哈~!
Post a Comment