Post-Father's Day Celebration@沙田鳳城酒家

大家都會覺得好奇怪......吓?! 而家先黎慶祝父親節? 係~! 冇錯, 你冇睇錯~!

因為我屋企多數都唔會喺"正日"做節, 一來怕同人迫, 二來又都預唔到時間, 哈哈~! 所以, 而家先黎做節~! 哈哈~!

做節之前, 家姐佢地黎左屋企坐, 元旦BB悠悠好可愛呀~!! 同佢影左好多相呀~!!!
大家睇下~!!!

悠悠見到我阿爸就喊, 睇下我家姐點氹佢~!

靚家姐陳太, 元旦B女悠悠~!

係咪好可愛呀我~?

喂~~~BB你望咩呀~~~?

同舅父仔影張相先~!

跟住出左去沙田行IKEA, 然後就去鳳城食飯~!!!

等左好耐呀......book左都要等~!

Daddy 節快樂呀~!!!!

哈哈~!!! 悠悠B戴左個頭飾呀~!!

又扭計又喊啦~!!

上湯炸粉果~!

要點個湯黎食架~!

野雞卷.......唔好食既~!!!!

八寶鴨~!!! 正~!!!!!!!!!!!!!!

炸子雞~! 又係正~!!!!!!!!!!!!!!!!!!!!!

菜心炒牛肉

大良煎蝦餅~!

西米焗布甸~!

間野太多人啦~~~~所以坐得好迫呀~!! 但係啲嘢係好食既~! 抵佢有咁多人幫襯~!
飽到癲, 頂到上心口呀~~~!!!

我負責埋單, 多謝晒~!

悠悠乖~舅父仔買張櫈你坐~!

星期日, 訓醒起身就俾我媽咪捉左去買野, 佢話我家姐成日話我冇送野俾佢個囡囡元旦BB悠悠喎! (咩無呀! 上次我去上海買左帽仔同手套架!!!) 算啦! 橫掂家姐生日我都未買野俾佢, 嘻嘻!! 今次借花敬佛~!

原來我阿媽就想我買呢個........我同我阿媽研究左好耐, 究竟邊個嬰兒坐廁會好d, 究竟係前面有"手把"既車車型好啲呀? 定係好似大人咁既馬桶型會好啲? 結果我地揀左呢個!! Hello Kitty 兩用坐椅連坐廁!!!

你睇下, 好似可以坐得好舒服咁喎!!!! 唔只淨係坐簡單架...! 仲可以痾BU BU~~!!

其實呢個BB坐廁都幾得意兼實淨, 我試過好大力咁壓落去都好穩陣架! 仲有d粉粉色d BB女一定會鍾意卦! 呵呵!

希望悠悠...每次你去廁所既時候...都會記得舅父仔啦~~!!! 哈哈哈哈!!!!