星期二嗰日成朝上咗大陸上廠做野...又廣州, 又東莞, 坐車坐到悶~~~好彩有部叉足電既PSP, 勁打"真三國無雙5 Special", 哈哈~!! 先至冇咁悶咋...!! 返到黎香港都6點點半, 於是即刻飛落灣仔會合DL做gym , 然後去隔離既德興打邊爐~!!!
呢度又幾好喎, 寫到明碼實價list埋俾你, 唔會坤你~! 同埋, 啲火鍋料都好多好特別同好新鮮下喎~!! 仲要佢地啲湯底真係好足料架~!!! 正~!
肥牛~~~竟然只係叫左一次~~因為仲有好多野都好好食呀~! 仲有花膠仔呀~芝士牛丸~牛眼筋~~正~!
呢個我真係喺第二度未見過~~~手切蝦片喎~~~又幾OK 喎~!
叫咗個金華火腿排骨湯~~我連啲湯料都食埋~~~!!!
就黎又再凍啲啦~~~最啱打邊邊啦~! 嘻~~~!
No comments:
Post a Comment