台北四月2009 之 四

20/04/2009 Day 3 TPE

繼續行程....

做完SOLER 去買手信..買手信..買手信..買手信之後呢, 就搭車去左西門町~西門町都係不離買野同食野啦~! 陪其他團友去附近買其他手信之後, 攰攰地, 就去食冰~!

佢地有兩種冰俾你揀, 雪花冰同牛奶冰, 雪花冰係粗粒d, 冇味既, 牛奶冰就係綿d, 牛奶味既~~

佢整我個刨冰呀!!!! 正~!

凳凳凳凳!!!!! 霸王冰~!!!!!!!!!!!!! 正呀!

食完冰, 我地就分頭行事, 因為有啲團友想返放低啲野, 梳洗一下再出動~
咁我地呢就率先黎到101附近既誠品行下先~~呢度超大, 好多層架~!

眺望101大樓, 我回香港數天後, 此地點發生左嚴重既傷亡意外.....好心痛..

去完101誠品.....又係敦化....................好厭.....呀........

點解要去敦化, 因為食飯間野喺附近, 咁未夠鐘就周圍hea 住先.........
燒肉店 古月同

Book 左枱都要等呀!!! 好旺!!!

青檸, 比你任用~!

好緊張呀~~~~~開始未呀~~~?

等緊食~~~

台灣既燒肉店係用炭, 而香港既燒肉店多數用煤氣爐燒....好大分別....

食下沙律, 清下腸胃先啦~!

牛舌~!!!!!!!!!!!!!!!!!!!!!!!!! 我最愛~!!!!!!!!!!!!!!!!!!!

粟米..雖然佢話要我地燒, 但係我地就咁食都覺得好好味喎!!!! 好甜~!

呢個係菲力牛~! 即係牛扒啲 friends 卦~

羊小排~

奶油雞塊~好好味~!!!! 呢個要燒到啲雞肉熟左之後, 再燒熔個奶油, 即係牛油啦~! 然後逐塊肉放落去溶左既牛油到煮多陣, 好味到痴線~!!!!

呢個係老闆送既牛肋骨~~~配埋啲蔥, 一流~!

待續~~~

四小妖台北飄流記 Day 2 - Part 2

29/6/2008 Day 2 Part 2

西門町又真係好多野食架喎~!! 又好多店舖, 種類之多好比銅鑼灣加旺角~! 我同魚魚仲有華哥仔, 為左要等禎禎同嵐嵐喺紅樓買野, 所以我地食完個香香雞之後, 就坐低左..........食台式甜品, 呵呵~!!!! 我地去左一間專係食清心丸既店, 佢地啲清心丸係熱熱地架, 跟住同其他啲材料撈落啲冰上面, 另有一番風味~!!! 幾得意~!

等到佢地歸隊啦~~~大伙兒又吃可樂餅, 又吃阿宗麵線~! 咦~~~好似未停過食野咁喎~!!! 呵呵呵~!!!! 阿宗麵線喺台灣好出名, 間舖外面成條龍排晒隊咁~!! 佢地有大碗同細碗叫, 我諗住5個人...叫三碗大都得卦......點知....三碗大...都真係好鬼大...!!!! 差啲食唔晒, 佢地4個人食兩碗, 我食一碗~!!! 有冇搞錯~!!!?! 好彩碗野好似碗仔翅咁je ~! 幾好味~! 又易入口~! nice nice ~! 我覺得去台灣掃街食野, 最緊要係樣樣食少少, 款要食多多~! 所以, 如果去到阿宗麵線既時候....4-5個人, 一齊叫一碗大既就算啦~! 哈~!!!

跟住我地去返誠品116樓下影貼紙相, 你睇下我地幾professional, 先黎幾野warm up 先~!! 你地睇下我地影得幾靚~!

跟住, 我地搭捷運去另一個"怒畸唇"啦~!!! 就係向北投出發~!!! 我地北投做乜~? 大家估乜? 下篇你咪知囉~~~~俾啲提示下大家先~!!!

又坐低食野啦~~~撞鬼~!!!!

我地去食冰~~~~!

呢個係我既~~~!!!

魚魚試食一下~~~!! 嗯~~~~正~!

我呢個都好正~!!! 我話我個人同埋個甜品~!!

阿宗麵線, 買左三碗......呢度冇得坐架~!
PS.....後面V晒既女仔...我係唔識佢架~!!

阿宗麵線
地址/電話: 台北市峨嵋街8-1號 / 02-2388-8808

我食晒咁濟~!!!

係咪好似碗仔翅呢~~?

熱身照 1

熱身照 2 係咪好似Janice Man同埋Angelababy~~?

熱身照 3 點解個pose 咁既~~~?

熱身照 4 好喪呀~~~兩位靚女~!

熱身咁耐~~~~梗係影到靚相啦~!!!!!

新北投站~!!

呢度都幾舒服喎~!

下回預告~!!!!

毛巾....

花灑~~~~

好大個缸~~~~!!

請看下回Part 3 分解~!!!!

四小妖台北飄流記 Day 2 - Part 1

29/6/2008 Day 2 Part 1

琴晚大家都好攰, 我攤落床, 連最好笑既棒棒堂都係睇左一半, 我自己就自動瞓著左lu~~~!! 瞓到差唔多九點鐘, 又要起身趕行程啦~! 我地食完個早餐, 跟住去搭捷運到忠孝敦化區行街~~! 呢區其實係好多好似外國既消費街, 好多牌子都喺呢度都會有舖, 仲有呢頭都好多貴價既樓, 同好多特色既餐廳. 我地團除左喺琴晚夜市阿魚買左公仔同阿嵐買folders之外, 大家都係"吉"手而回~! 今日終於有人大破慳囊, 阿禎同阿魚喺Agnes b. 各人都買左一頂帽~! 多謝晒~! 當然, 行過嵐嵐最愛既Mister Donut 大家都唔會放過啦~! 我最鍾意係食朱古力波堤~~~正~!

行行下街, 就開始要食LUNCH~~~本來係想去微風二期對面既鼎泰豐, 但係實在太多人啦~!! 跟住, 我見勳哥有提供話, 呢度附近有間好好食既台南度小月, 所以就走去睇下~!!!

呢間台南度小月, 裝修都好精緻既感覺, 都爆場呀, 黎到都要等15分鐘先有位~! 喺門口附近有個叔叔, 十分之眼明手快咁喺度煮麵~! 嘩~~!!! 勁呀~!!! 呢道既野, 雖然簡單選擇唔算多, 但好在樣樣都好好味喎~!!! 特別推薦炸蛤仔, 同擔仔麵~! 好味~!

跟住我地搭車去西門町行下街~~~我地去左紅樓劇場, 外面有好多年青人擺攤檔賣自己既作品, 劇場內都有一啲自由藝術家既作品可以買, 同埋紅樓劇場成日逢星期六/日都有一啲新碟發表會, 電影記招咁. 阿禎要幫佢個細妹買啲野, 阿嵐話睇下有冇啲特別野買俾也也, 咁所以我同魚魚, 華哥仔去誠品116 行下~!

行過去....遠處已經好香.....乜黎架~~!? 行近啲~!!! 噢~!! 原來係炸雞!!! 佢用好多香料醃製既炸雞......雖然剛剛食完野冇耐....但係見到正野....又點可以放過呢~? 一包呀, 唔該~!!! 正~!!! 超香~超好食~!!!

喺我地酒店行十分鐘左右就到台北車站啦~!

淡水線~~~我地唔係搭呢條, 係第二條線先真~~!

係咪傻架~~~捷運入邊都影一大餐~~!!!

我都唔執輸~! 後面個阿伯仲搶鏡喎~!

黎到台灣~~點可以唔買枝黑松沙士飲呀~!!!!

呢區好多呢啲街~~好多各式各樣既店舖~!

嘩~~~我部機快門都算快啦~~~點知阿叔隻手郁得仲快~!

超多人呢~!!!

我地係黑超"突點"組~!

台南度小月
地址/電話: 台北市忠孝東路4段216巷8弄12號 (明曜百貨後面)/ 02-2578-2577
營業時間: 1300 - 2200

炸豆腐

乾擔仔麵

炸蛤仔

湯擔仔麵

真係連我都唔記得係咩~!

西門町 紅樓劇場

呢度有好多自由藝術家既consignment products 賣架~!

西門町 誠品116 附近 繼光香香雞

隔住個玻璃都覺得正~!!!!

好味呀~!!!!!!!!!!!!!!!!!!!!!!!!!!!!