28/6/2008 Day 1 - Part 1
我之前嗰晚基本上都係成三, 四點先至訓.....好眼訓好攰....但係一陣6點鐘又要彈起身, recomfirm下我既行李有冇執漏, 跟住morning call 嵐嵐同禎禎呀~! 晨早7點就要落到樓下等機場巴士啦~! 但係........一出門口就...落大雨呀....超狼狽!
8點鐘左右, 我地就去到機場啦~! 我同嵐嵐, 禎禎因為平時返工, 又忙請唔到假, 要去到機場先攞台證, 一行到去........哇~!!!! 駛唔駛咁多人呀~!!! 8點幾就排咁長龍~!!! 驟眼望至少都有40人~! 唯有都係排, 排都唔緊要.....跟住仲要等輪個籌...佢先有得拎....等等等....差啲9點先check得in...返到去櫃台魚魚等到面到燶~~~~呵呵~唔好意思哦~~~請你食早餐~!
check in 之後, 立即入閘囉~~~~入到去再買burger king 做早餐上機食~!! (因為預左飛機餐好難食.....哈哈!)
然後, 上到機..班航機因為天雨既關係delay 左30分鐘, 差唔多成11點先起飛, 去到桃園機場大概係12點左右! 但係...去到又見到好多條長龍...等過關呀!! 其實唔係好明有d人..明明知道係要填過境嗰張form...人地靚女空姐飛緊既時候有派架啦, 硬係喺飛機上面唔填...喺過關既counter 先至填...成九萬幾人等緊你囉~~!! 唔該~!!!!!
拎埋行李, 唱埋台幣, 我就負責去叫車, 因為我地唔諗住搭機場巴士, 我地五個人又"ar 渣", 又嘈, 又癲...為左台灣既市民及公眾安全, 我都係去叫車載我地舒舒服服咁去酒店~~~其實都唔算好貴咋喎~! 我地坐既係一架9人車, 1650NT(400幾港幣), 好快~~~45分鐘就到我地既酒店啦~!
我地既房個浴缸係超大囉~~~!! 我諗我地四小妖坐落去都夠位呀~!!! 大家放好晒啲野, 休息左一陣就準備出發囉~! 第一站去中山區行嵐嵐同禎禎既飛佛.......名店街! 不過, 行街之前都要去食啲野先喎~! 去台灣之前問過"旅遊達人" - 勳哥借旅遊書一用, 佢圈左好幾個餐廳叫我地一定要去試下, 經過上次上海之旅, 就知道勳哥冇老點我啦, 我就好聽咁去左中山區呢間Piece of Cake, 去食個tea ~!
呢間Piece of Cake 既地點唔太顯眼, 要找它的位置光憑地圖同地址...我想都要花一段時間.....哈哈...! 總之就係喺條大路轉一條小巷, 再走入去咁....! 心想...哼~! 又落大雨又難搵, 如果唔好食立即打去問候一下勳哥~!!! 哈哈~! 講笑啦~! 呢度最著名既呢, 就係呢個自製蛋糕卷, 有好多種味道呀! 朱古力味, 檸檬芝士, 綠茶紅豆, 黑糖瑪奇朵, 原味+水果等, 幸好款款味道都好好~~~如果唔係勳哥會收到我喺遠方既"親切又深切"既"問候"啦~~~:-P
嘆下茶, 歇下腳, 台北樂逍遙呀~!
排大隊~~~等攞台證等到自拍~~~!!!
過關又要等~~~可惡~!
魚魚等到攰~~~~!!! 個樣好似俾人.....eeeeeeee~~~!!!
好多錢呀~~~~~~~~~~!!!! 係咪俾我架~!?
個個人喺車度勁自拍~~~華哥仔, 你好搶focus 喎~~~
落機時陽光普照架~~~~~!!
沿途風景都幾好, 但有啲似粉嶺去落馬洲條路....
好靚呀~~~我影得....!!!!
去到town 啦~!!! 勁多車囉~!! 係咪有啲似東莞呢~?
其實台北有好多地方都殘殘舊舊既款~~
我地就係住呢間旅店啦~~好近台北車站咋~!
Piece of Cake 既Menu~~佢地個捲心蛋糕好好味架~~~!!
又係自拍咋嘛~!!!
朱古力味~~~!!! 餓到out focus 都唔理啦~!!
檸檬起司~~~!
原味水果~!!
綠茶紅豆~!
我個黑糖瑪奇朵捲, 加一杯熱黑糖瑪奇朵咖啡!
嵐嵐...你駛唔駛食得咁鬼靚先~~~??
Piece of cake
地址/電話: 台北市大同區南京西路64巷9弄19號 / 02-2559-7981營業時間: 1000 - 1800
PS. 大家都好似以為上篇張相係最後嗰日影.....其實係落左機等排隊過關時影架~~~!! 哈哈~!!! 傻豬~!
2 comments:
台灣真係好多地方都舊舊咁，行街就唔吸引，係得食同溫泉＋藝術館囉！
係呀~~~行街真係冇乜野行....食野就食到停唔到~!
Post a Comment