28/6/2008 Day 1 Part 3
唔係呀化?! 一日點可以咁鬼長架? 係呀~~因為~~"誰亦愛~~夏日長~~~"!! 哈哈~!
我地去完101大樓食飯之後, 咁當然去行夜市啦~! 臨江街夜市~~~GO~!!
其實行過去又唔係好遠咋喎~~沿路經過好多俾人"拜"既廟仔, 哈哈, 但係我唔係好敢影d廟既相, 因為台灣人係乜都拜, 所以我都係唔影lu~~~!
一去到臨江街夜市, 離遠已經見到好多人啦~! 喺街頭就見到個男人拎住兩隻松鼠喺到表演. 佢話隻松鼠可以一路佢唱歌一路表演, 表演啲咩? 表演兩隻松鼠打交同咀咀囉....車....其實係佢用手將兩隻松鼠喺度咀, 又打架咁~!呃人既.....!!
跟住, 我地衝入去啦~~~初頭以為夜市入邊全部都係食檔啦~原來都唔係架喎~仲有其他攤檔架~~!!! 有啲女人街, 再加多啲食檔咁.....! 我地(除左阿魚之外)見到咁多野食, 就好鬼興奮啦~~~點解阿魚唔多興奮唔起呢? 因為佢之前餐日本野食得太過飽, 仲未recover到~!! 慘慘囉~!
我地行行行食食食, 買左好多野食返去, 又荔枝又雞蛋糕, 仲有其他小食~! 我同嵐嵐當然係唔會放過去夜蒲既好機會啦~!! 我地去左Funky 玩, 呢個Bar 真係有d 搞笑~~點解? 我地初初以為會好似香港啲bar/disco 咁有counter keep 袋, 但係唔好意思....冇喎~! 不過嗰度有locker 俾你放.....我地太晏去啦...去到個場都爆多人, 所以冇locker 俾我地擺野...仲有, 佢地既啤酒係唔凍架...佢地係冇雪到d啤酒囉, 係俾多一個紙杯裝住d冰俾你....冇錯...係紙杯....! 哈哈~!
我地覺得...唔係辦法...拎住個袋咁點去跳舞??? 所以.....我地有以下既決定, 就係....返酒店放低d野, 換件衫再去~!!!!! 哈哈哈~!!! 再返到去既時候, 嘩~!! 仲多人, 不過, 播播下英文快歌...無啦啦轉左做國語歌喎~! 有啲348既feel添.....哈~! 仲要之後無啦啦熄晒燈,....播慢歌囉......OH MY GOD~!
我同嵐嵐都好攰, 不如早啲閃算~~~! 我地走既時候啲人都未有意欲散水~不過, 其實我地好早走je~! 因為第二日仲有好多行程呀!!!!!! 唔得啦...要訓~~~zzzzzz~!
車...阿叔....你咪夾硬黎啦~!! 隻松鼠都唔想玩~!
鴨血膏煲~!
臭豆腐煲~!
興奮咧~!
啤咩呀~~!!!!
ee~~~你唔係食唔落野架咩~!?
華哥仔默默食, 密密食~!!!
好得意既雞蛋糕喎~!!! 好多形狀架~!
好平咋喎~!!! 買~!
小弟弟~~你想食邊個呀~~~? 但係食左會變.......
...
....
......
佢咁樣架喎~~! 小弟弟~~你係咪仲想食先~? 哈哈~!
No comments:
Post a Comment