Bangkok 30/08/2009 Day 4
Part 2
又完成咗曼谷既最後一次泳裝環節之後, 我地就返咗房好好咁dress up下, 因為我地要去一個地方, 享受一個十分之豪華既晚餐. 喺曼谷有啲地方係有dress code既, 即係有服裝既限制啦, 背心, 短褲, 拖鞋, 冇袖衫全部NO NO NO! 例如你去一啲高級餐廳, 有d Bar / Lounge 都會要你dress up , 連去皇宮參觀都要架~!
咁著靚靚, 我地就起行去到Pan Pacific Hotel 既23樓 Panorama 食晚飯...唔好話我大鄉里....我一入到去個餐廳....發左一下聲...."嘩............."....真係好大...好靚喎~!!!!
Panorama
呢度都可以望到曼谷夜景呀~!
我地坐咗喺外圍既枱, 因為可以望下風景~!
哈~!! 呢件都係新衫喺泰國Hybrid 買架~!
我幾中意呢個蠟燭台, 好靚~
其實入邊仲有好多位, 因為呢間都好新, 我地都算早, 未有咁多人黎~!
呢度係去洗手間既, 都好靚啵~
呢度坐得好舒服, 又多人serve 你, 好嘆呀~!
我地呢晚飲呢一支Rose, good good!
我地叫咗兩份grill steak, 佢地都會拎晒成個黎問你要幾多grams , 你話佢知佢就切俾你, 個師傅睇得好準喎!!
Hmmmm......NICE...................
首先上啲頭盤先啦~! 呢個沙律清清地, 幾好, 開胃呀!
生牛肉片拼芝士加咸魚, 我好鍾意生牛肉片架...!!!
呢個蟹腳都幾好~!!! 正~! 上面啲泡係咩......我都唔知喎......
呢個係魚既main dish , 有忌廉汁, 白果, 香草咁
呢個係西冷扒, 4成熟(佢話) ...但應該overcook 左少少, 不過都OK!
呢個300grams 肉眼扒, 5成熟, 剛剛好...!!! 真係堅好味~!!! 正~!
燒羊架, 唔羶喎!!! 幾好味喎!!! 啲羊肉好靚!
仲有啲配菜都好yummy!!!!
當然除左晚飯之餘, 我地都俾咗個surprise 個fd,
哈哈~!!! 祝佢生日快樂~! 個fd真係好開心呀!!
呢餐如果喺香港既話應該再貴一倍......!!! 實際既價錢.......大家估一下~!
食飽之後, 我地又去左Thai Massage , 本來諗住Massage 之後會再去蒲既, 但係按完之後實在太攰啦~! 同埋第二日就返香港啦~~所以都係早啲休息啦~!
待續~!
No comments:
Post a Comment