上個星期五, 呢日日頭行完山, 夜晚就去銅鑼灣食飯, 享受一下放假既心情!
Eric 碌大隻眼仔, 係咪份餐牌有啲乜嘢睇?
老細, 想叫啲咩食先?
呢度既位唔係多, 得嗰十個位左右...我地去到都FULL晒咁濟! 好彩都有張枱!
巨峰提子乳酸梳打
檸檬乳酸梳打
價值20個大洋既前菜.....
秒殺!!!!!!!!!!!!!!!!!!!!!!!!!!
超級好味既SOBA奄列!!!!
打緊BLOG 都流晒口水....好想再吃!!
豚肉芝士泡菜燒餅 <---不過, 唔多覺有泡菜既味喎!
手造漢堡, 又係另一招牌, 之前都介紹過架~!
餃子 <--- 普通啦!
燒雞腎 <--- 俾張相大份好多喎! 正!
飽到癲, 盛惠四百幾!
| 地址 : | 銅鑼灣謝斐道468號百達中心地下E舖 |
電話 : 2838 0061
| 營業時間： | 星期一至六：12:00 - 15:00;19:00 - 04:00 星期日：休息 |
朋友仔勁中意呢間野, 所以等我黎同佢試下先~!
呢度面積唔大, 裝潢好簡單~~~~
除左餐牌之外~周圍都貼滿招牌菜式既相片~!
叔叔準備緊d 材料~~~~
煮啦~~~!!!!
其實廚房真係一眼睇晒......
超簡單~!!!
不過呢....呢度晚上rush hours 時段...係會屈你小食錢....每位20元...即係左上角嗰碟..
燒餅來了~~~~~~好正呀~!!!!!!!!!!!!!!!!!!!!!
自家製既漢堡....我覺得實左d....同燶左d....
蛋包炒面....!!!!!! 好味~!!!!
上期東Touch 送既Dusty 鏈, 都幾OK喎~!!!
第一站係SOGO既Basement , 呢間菓子度係新架, 今期飲食男女都有講佢~!
睇落都幾吸引架喎~!! 唔知好唔好食呢...?? 13元一粒喎.........
咬開.....Hmmm....始終睇....係比食既好.......味道麻麻....如貪新鮮, 只可以買一個試一下!
呢個期待而久既吉列店...!!!!! TONKICHI! 得星期一至四有得預約咋...不過聽聞已經排到去下年2月........輪籌都要至少得一個鐘....可以拎左飛, 之後行下街既~!
呢幾個係食吉列同椰菜絲既調味料
佢地會比一碟芝麻比你, 自己磨碎佢, 跟住再落醬汁~!
竟然...!!!! 竟然有對住維港既卡位坐~!!! 超好~!
超得戚囉~!!!!
呢杯係Lemon Squash~! 咁熱氣當然要補充維他命C啦~!
朋友仔點的西瓜汁~!
本來係麵豉湯, 加28元就可以轉豬肉湯, 好多料...飲完都好飽~!
我地點左兩個定食, 放埋左一齊, 好似好大陣象咁啵~!
朋友仔點的豬柳大蝦定食~!
我點既係豬扒炸蠔定食~!!!!
真係好薯既炸薯餅~!
痴線架~!!! 個炸蠔~!!!! 超好味~!!! 勁大隻~!
仲有個豬柳真係好鬆化....不過少左啲~!
埋單總共600大洋~! 雖然有啲貴, 不過都可以一試~!
庶務二課為食團又出動啦~!!! 今次為食團帶大家去到銅鑼灣食印度菜, 你會話..."阿寶, 你又食印度野呀? 你講左好多次啦啵~~~!!" 但係真係欲罷不能, 好食既野, 係應該講多幾次, 呢次去呢間位於銅鑼灣波斯富街既阿拉丁咖喱係我最近既"賣飛佛"啦~!(註:據香港潮語學校"賣飛佛"係解作My Favourite"咁,唔好再問我啦~!)
其實今次已經係我呢個星期既第二次啦~!!!!! 哈哈哈~!!! 繼上星期三同阿靚仔勳去食完之後, 我地既二課師奶Victor 又話要去食喎, 咁咪唯有星期六又去食多次囉~!
點解咁令我地咁欲罷不能~~!?? 你睇下就知~!!!
例牌既動作先~~~! 自拍~!! 妖~! Victor 偷攝入鏡~!!!!! 頂~!
千夏寶寶: 師奶Victor,...你知唔知你呢個眼神好樣衰既je......?
師奶Victor: 你唔抵得我咁衰都有人要呀? 吹咩~~!!! (呢句係有次MSN既真實對話)
課長: 喂點呢幾樣夠唔夠?
飄紅: 傻架你~!? 咁少? 夠你定夠我食呀?
飄紅....你唔好扮威妹啦....好鬼似呀你~!!!
前菜: 青瓜奶酪(上圖, 可以淨食又得, 點薄脆餅食又得! 夏天must 點) , 薯仔沙律(唔記得影, 註個薯仔沙律雖然係凍, 但有啲辣架!)
前菜: 印度菜角 (好好味)
主菜: 乾咖喱炒大蜆(超正, must EAT!!!!!!!!!!! 乾咖喱汁又好味, d蜆又大大隻, 勁yummy!)
主菜: 薄荷印度燒雞(薄荷茉醃晒入雞度好清爽~!)
主菜: 薯仔椰菜
主菜: 秘製古法羊肉(我本來對羊肉算唔太抗拒又唔算太喜歡, 但係我又勁中意呢個菜, 佢個汁好好味, 唔辣, 好friendly, 我唔覺得羶, 但課長話好羶喎, 不過課長一向唔食羊肉)
主菜: 乾汁咖喱牛腩 (呢個都算普通啦,係啲牛腩唔係好腍囉~! )
主菜: 印度鐵板魚 (個名我自己作...因為唔係我點, 估唔到又幾好食喎! 啲魚喺咁高溫既鐵板上邊都唔老, 好味~!)
主食: 蒜蓉烤餅
主食: 胡椒脆餅
阿拉丁咖喱屋 Aladin Mess
地址: 銅鑼灣羅素街60號富興大廈2樓
電話: 2808-0250 (座位有限, 一定要訂位, 如果係星期六日, 之前嗰日就要reserve先)
我地四個人, 當晚係勁食食食食.....當第一輪食完之後....我問飄紅...你夠唔夠呀? 佢同我講....下?! 剛剛warm up完咋喎~!!! 咁又再叫第二輪~!! OH NO!! 肥死啦~!!! 但唔理~!!! 食~~~~~~~~!!!! 埋單多謝晒每人160有找, 又唔算貴! (我地4個人...我諗食左6-8人既份量....如果威妹喺度.....我諗...我地會食左10個人份量...)
跟住, 庶務二課大隊, 去左Page One 睇書, 然後去左Cafe飲野, 傾計都笑到口攰, 又飽到死...肥爆星期六!
