生日前既JOB~~~Photoshooting for Halloween

生日前比人捉左去幫手影萬聖節既Poster 相~!

2:00pm 已經到左中環standby化粧, 其實有啲眼訓呢~~~~~!!!
個幾鐘後, 我就變左隻伯爵鬼啦~!!!!!

變身~!

係咪好陰森呢~!? 仲要整到個頭白晒, 好難洗呀~!!!!

跟住同魚魚搭車過灣仔影樓影相, 條街熱到痴線, 又截唔到的士~!!!!

嘩~!!! 魚魚超勁呀套衫......令佢世紀性露罅~!!!!!!!!

我套衫都好靚架~!!!!!!

我都未知個Poster 會幾時出, 如果有相就會再比大家睇睇~!

姪仔Osman 結婚呀~!!!!

前晚去左尖東飲喜酒呀~!!!!! 呢~~~~企左喺台上邊既禮服仔咪我姪仔Osman囉~!
其實佢年紀大過我一歲~!!!! 哈~!!!!

我同一班姪仔姪女一齊坐......撞鬼....好多都二十出頭啦~!

排場都噢畸可以~!!!

都有好多親友到場~!!!! 成30圍呀~!!!

佢地太忙~!!!! 我都攝唔到入去影相~!!!

左邊兩個係唔知邊度黎既親戚, 右手邊緊係我老豆啦, 咁靚仔~!

呢個鬍鬚佬咪就係前幾日生左日既我大哥Dom dom!!

我啦~~~!

竟然~~~~竟然~~~竟然喺個婚宴度都撞到個Blog友喎~!!!! "餓家騎"先生~~~NICE TO MEET YOU啦~!!! 哈哈哈~!!!! 佢係我姪仔既小學同學囉~! 勁橋呀!

我阿媽問, 做咩無啦啦又會有人識你既~!?
我話....乜你唔知你個仔係網絡上面既紙上明星黎架咩~!? 哈哈~!!!

呢日真係飽到痴線~!!!!!! 仲話減肥~!!!! 生日Party 點算~!!!!

生日頭炮 @ 普賢道場

悠悠B而家有9個月大啦~!!! 上緊堂學法文添呀~!!! 幾勁~!

靚家姐同型姐夫~!!!! 悠悠B你望去邊?~!

寶爸, 寶媽~!

壽星寶~!

黎到呢間跑馬地既普賢道場食齋, 入邊裝修好靚呀~!

其實去到都好早, 只不過係6點咋~!!!

靚家姐 同悠悠B~!

全個道場因為地方有限, 只做兩枱客only ~!
同埋, 夜市分兩輪一係下午六點, 一係就夜晚八點~!

有心人可以隨意裝一注清香~!

個觀音像好靚呀~!

素月餅~! 包裝十分精美~!!

呢個燈飾十分之特別~!

不過呢, 呢度既燈光好暗令到有少少眼訓....

素食刺身~!!!

素食冷盤五小碟~!

海珊瑚沙律~! 好好味~!

素食瑤柱甫, 我阿媽話仲好食過真~!

咖哩雜菜煲+烘麵包~!

蓮蓬~~~好考功夫呀~!!!!

咕嚕魔芋~! 好好味~!!!

普賢道場 (素食)
地址: 香港跑馬地聯興街九號
電話: 28382900

附註: 因為菜單係由大師自己訂, 所以係冇得點菜, 有乜就要食乜~好似私房菜咁! 同埋Book 左一定要去, 絕對係嚴禁放飛機~! 因為大師唔中意人浪費, Book 左一定要到~! 仲有, 呢度既消費基本上係200元一位, 你可以俾多啲做布施都得~!

夜市只有兩個時間選擇, 6:00PM 同 8:00PM, 如果你時間唔啱, 咁請你去另一間同集團既"心齋"!

心齋 (素食)
地址: 中環花園道51號科達中心三樓
電話: 25250556

附註: 呢度都有部份既道場既菜式, 但係唔係每種都有, 不過選擇多啲, 如果一大班朋友會比較嘈既話, 去呢度會比較好~!

星期天與狗狗們的約會

其實星期日嗰日好好天....但係之前嗰晚去左兩個生日party, 有少少醉醉地....所以遲咗起身....唔緊要...有心唔怕遲...而且, 我都唔係好晏je.....哈哈!!!!
仲有....遲咗....咪搭的士囉~!!! 馬鞍山去錦田...你估要幾多錢~~? 一陣話你知~!

天氣超爆好~!!!! 天朗氣清~~~~!

如果今日去曬太陽, 我估會變左朱古力仔~!!!

好少黎既錦田.......

幾時先到架~~~?? 結果140大元有找~!

喺寵物樂園既cafe抖涼嗰陣~~~有兩隻大chow chow 呀~!!!

好笨呀你....個樣~~~~~~~~~!!!

Bebe~~~~你做咩戴帽既~~~?? 哈哈~~~!!! 好鬼可愛呀你~!!!

嗰日, 我地做左個創舉...就係熱死辣辣燒野食~!!! 呵呵~!!! 真係冇可能唔熱氣死啦~!! 不過, 我地嗰日本來想燒完野食之後, 再去元朗食晚飯~但係大家都飽得濟....食唔落飯...結果淨係食左B仔涼粉就算......

之後, 出返旺角meet 碎碎Auntie , 幫佢揀睡衣派對既Costume~~~嘩~~~超激~~~!!!

有關寵物樂園嗰日既相同Blog 請大家去埋呢幾度....佢地將會upload 架啦~!

嵐嵐: http://hk.myblog.yahoo.com/geri_siu
Cliff: http://hk.myblog.yahoo.com/cliff_tsoi724
司房菜: http://hk.myblog.yahoo.com/wilson-szeto

演出推介 - 香港話劇團 頂頭鎚

星期六晚去咗葵青劇院欣賞老友東東既演出, 睇下佢既進步, 同埋佢既修身既成果~~!!!

其實我係想淨係影個佈景...不過唔小心比我影到陳敢權老師~!!! 哈哈~!

精彩劇照....影到王維好有型呀!!!!

故事講啲乜~? 係講1936年一支由大部份香港球員組成既足球去參加柏林既世運會既經過. 故事中靈活運用好多歷史, 親情, 友情, 愛情穿插呢個故事, 令到故事有更多方面既元素, 睇完之後, 覺得有好多感動人心既情節.

作為一個音樂劇, 歌曲必定是其靈魂, 我覺得是次製作與以往既本土音樂劇有所不同, 作曲既高世章先生, 運用了好多其他外國既音樂元素注入中樂裏面, 令到煥然一新既感覺~! 而今次既歌詞, 亦不像以前有些音樂劇, 去就個曲, 或者要就台詞, 而特地去扭隻字個音, 今次絕對冇呢個情況出現, 而且意景既通順又連貫, 岑偉宗好野~! 呢次我十分之enjoy 呢個演出, 好好睇, 大家有時間就去睇下呀~!

四小妖台北飄流記2008 DVD 預告

四小妖既台北之旅~~之前你地都見到晒d 遊記同靚相架啦~!!!

喺我連續幾晚勁剪~~~勁砌下, 終於比我整左個DVD 預告~!!! 當然我仲有好多條片唔俾得大家睇啦~!!! 因為只限四小妖粉絲們專屬訂講~~!!! 數量有限哦~~~! 呵呵~!

前幾日攝服左喺嵐嵐既威迫利誘既淫威之下, 俾佢拎左個首播權~~~唔緊要~~我都係遲佢一日咁多je~~!! 希望大家睇得開心高興既話, 就按下拍手, 睇多幾次咁啦~!!!

城城有新歌呀..........!!!! Olympic~~~!

友誼的光彩-張如城

嗱~!!! 我冇呃你架~!!! 佢真係叫"城城"架~!!! Cyrus 同 Benji都係咁叫既~!
嘩~!!! 佢首新歌呀~~~~聽到耳都痕~!! 唔好意思~! 唔識國語...就唔好唱國語啦~!
仲有...啲音又唔準~~唔知唱乜....仲衰過幼稚園唱遊堂~!

不如重溫一下"樂壇惡夢" - 張如城之前既歌~

愛意...............

真愛是真..........

如果相較之下....
我寧願BUY 佢....

She Bangs - William Hung 孔慶翔

至少佢有幾粒音同咬字係準~!
願主保護我們之聽覺~!