偷閒Tea一Tea @ Four Seasons

上星期五, 我, 禎禎, 嵐嵐同司房菜先生一齊約埋, 請假去high tea~~!! 聽落去好似有啲過份~~但係星期六日又唔得閒tea~~咁又想悠閒地享受一下喎~~~所以咪大家一同射波囉~! 哈哈~!!!

我地去左中環四季酒店既Coffee Shop, 你估下我地見到邊個~!!?! 我地坐低冇耐見到有個好靚, 好高既女士, 拎住銀色Fendi , 原來係李太~~徐子淇呀!! 嘩~! 幸會幸會~!

大家唔好以為Four Seasons 就好貴喎~! 其實都好相宜下啫, 每人都唔駛200蚊, 算抵啦, 不過呢度係Set style 唔係Buffet style ,所以唔係任食架~! 但係個set 都好夠你吃啦, 因為佢地有d Tarts and Cakes 會同你refill 架~! 咁悠閒喺度傾下計, 食下野, 飲下茶, 一樂也~!

唔好話俾人知~~~我地幾個人射波一齊去食Tea 呀~~~~!! 唔係我咀爆你~!

嵐嵐咪咁得戚住先~~~

特別嘉賓司房菜先生~~~!! 一講high tea 即刻飛撲出黎~~!!

禎禎...你個樣係咪有啲心事呢~~~~? 呵呵~! 定係想叫多一個set?

High Tea ~~~梗係飲Earl Grey Tea啦~!

唔好意思~~~背左光~~~!! 哈哈~~但係重點係..外面勁好天~!

我地張枱後面道牆~!!

黎啦~~~~嘩~~~~~~~~~~~!!!! 好宏偉既感覺~!

第一層~~~佢地上邊呢兩杯既好好味~~~!

隔離個Fruit Tart都好正~!

鬆餅~~~幾好味~~~但食左勁飽囉~

最前面係Strawberry, 右面係Orange , 後面唔記得係咩Cheese

下層係sandwiches , 好多都好好味~!!! 正~!!

幾時再去呀~~~?

四小妖台北飄流記 Day 4

1/7/2008 Day 4

第四日喺台灣, 即係好快就要走啦~~~~~!!! 好唔捨得呀!! 好想再玩耐啲呀!! 大家都未玩夠~!! 唉~~! 不過, 假期係有限.....點都要返香港, 唉.....第二日又要返工.....OH NO~!

呢日, 我地放低啲行李喺酒店, 跟住立即出去食鼎泰豐食野, 因為一陣大家有一項重要既任務~~~~~~~~~!!! 就係買手信~!!!! 講返食野先, 最後一次台北開餐當然都要勁食啦~!!! 哈哈~!!! 但係呢度唔知點解成日都咁鬼多人等位, 好彩啲菜上得超級地快, 完全唔駛等, 呢頭叫, 嗰頭已經上緊~! 至於好唔好味呢~~? 我覺得小籠包只屬一般, 啲麵好食好多囉~!

食飽飽之後, 就去各大既手信熱點, 逐一攻陷~!!!! 呵呵~!!! 你地睇下我地5個人買左幾多野~我都差啲"質"爆個喼呀!!! 禎禎仲唔夠台幣, 要借錢買野添呀~!!! 哈哈哈~!!! 行程最辛苦就係呢個moment!! 要勁買一大堆啲friends order 你買既野返去, 想拎死我咩~! 不過.....其實有大部份係我同我阿媽食晒~~~呵呵~!

去到機場check in , 我地早左好多呀~! 喺機場周圍睇, 周圍玩~! 又扮鬼, 又扮艷舞女郎, 嘈爆桃園機場~~! 我地上機既時候......咦?! 呢個位咁闊既??? 我地架~!? 吓?! 我地upgrade 左去Business Class 我地都唔知喎~! 上到機埋到位先至知.....哈哈哈~~~我地四小妖真係大面子~~~連航空公司都俾個Business class 我地坐得舒服啲~! 真好~!

大約晚上十一點, 就返到香港lu......唉.....幾時又去旅行呢......?

啲人多到呀~!!! 傻架~!? 有米派咩?!

小籠包~~~

蒸菜餃~!!!

烤麩~

碎雞~~~都係上海好味好多~!!!

排骨~~~~即係香港叫既豬扒~

呢個麵好味~!!

擔擔麵仲好味~~~落多少少辣油會更正~!

豆苗~~~

蝦仁炒飯~~~~

Hello Kitty Cafe?!?! 噢~~~賣葛~!

好cute cute 呀~~~~~

個蛋糕咁cute , 點捨得買黎食~~?

5個人既戰績~~~!!!!!!!!!!!!!!

我同嵐嵐同空姐之合照~~~~!

Business Class 爽呀~!!!

闊到呀~~~唔駛撞手踭~~~~

魚魚話終於有次係唔覺得迫啦~~~~對長腿終於有地方擺~~~! 哈哈~!

返到黎啦~~~好攰呀~~~~返到屋企都差唔多凌晨一點鐘....聽日...點解要返工呀!!!

~全記完~

四小妖台北飄流記 Day 3 - Part 2

30/6/2008 Day 3 Part 2

我地由動物園返到台北車站, 當然~~~我地係唔會放過任何有Mister Donut既地方~!! 嵐嵐仲表現左佢既絕技~20秒內食晒成個Donut!! 可能你地覺得Donut 又唔係咁大, 20秒食晒有幾奇~?! 奇就奇在...20秒之內...有15秒係講緊野....同埋...你知啦Donut 甜耶耶咁...一啖都覺得好"漏"...即係佢用左三啖...5秒既時間食左個Donut......OH MY GOD~~!! 媽呀~我的天咧~!

我地見到Mister Donut 既波堤獅實在太可愛啦, 所以我地拎左佢個傳單留念同影相呀! 你睇下我地變得幾咁可愛~!

返到酒店, 大家小歇一會兒, 沖個靚涼, 又再出去食晚飯啦~~~! 今晚食飯既"怒畸唇"就係鼎鼎大名響晒朵既"黑武士火鍋"啦, 呢間都係勳哥極力推介既食店之一, 所以果然係"信心既標誌~~~". 哈哈~!

其實呢度最出名係麻辣鍋同芋頭排骨鍋(我上星期六同朋友講起先知), 但係魚魚唔食得辣既關係, 同埋我當時又唔知芋頭鍋既出名....所以我地揀左沙茶火鍋~! 不過, 呢個沙茶火鍋都帶黎左一單笑料~! 件事既經過係咁............

侍應遞上一鍋清湯鍋....
魚: 喂~哥哥, 我地唔係叫沙茶火鍋咩....? 點解係清湯咁既~!?
寶: 唔知喎....可能呢度既火鍋係咁既呢....?
華: 撩下個底...啲沙茶會唔會係喺底架~~?
寶: 唔知喎....我第一次黎台灣打邊爐咋...可能係呢度既特色呢...?
魚: 唔係喎!!! 乜都冇既~??! 咁沙乜野茶呀~~? 伙記~!!!!
侍: 是是...
魚: (有啲忟憎..)啲沙茶去左邊呀~~?! 又話係沙茶火鍋既~!? 冇味叫人點食呀?!
侍: 小姐, 不好意思哦, 因為...沙茶火鍋, 要在調味料那邊舀沙茶醬放下去哦~!
魚: (不悅).........
寶: 哦................原來係咁...!!!(哎呀~~好彩唔係我問, 冇咁瘀...哈哈~!!)
魚: (詐嬌)EEEEEEEEeeeeeeeee~~~~!!!!!!!
寶: 好好~~~等我去拎!!

原來台灣人打邊爐都好有分別架~~~除左要自己落沙茶醬之外, 佢地會將你之前點左既丸, 餃子, 菜, 瓜之類既材料..都會一次過放晒落去, 一開波都一齊滾~!

食飽之後, 華哥仔, 魚魚同禎禎返左酒店先, 我同嵐嵐就搵地方蒲.....噢, NO!! 係喎~! 星期一喎~!!! 度度都休息...弊~!!

咁我地唯有去左Funky 睇下囉.....呵呵, 好彩~!!! 仲有開~! 不過weekdays 既Funky 係 K場黎架~!!! 估佢唔到喎~! 有台灣人唱廣東歌, 勁好笑, 當然仲有人唱閩南歌啦, 不過最勁既係見到有個男版既"演崎步"!!!!!!!! 嚇我一跳耶~!

坐左陣就返去啦, 唉.........要執野聽日返香港啦~! 可唔可以再stay 幾日呀....?

我係波堤寶

波堤嵐~!

波堤禎~!

黑武士火鍋

門口就放左兩隻鸚鵡~~~

起爐呀~~~~~~~~~!

瘀左一野既魚魚~~~呵呵~! 乖~~~呵返~!!

啲伙記都走得好快~~~冇影架~!!!

V 爆既嵐嵐~~~佢呢個人唔多食火鍋都竟然話好食~!!!! 勁~!

超愛打邊爐既禎禎~!!!! 叫多啲呀~!!!

華哥已經期待已久架啦~!!! 快啲上鍋啦~!! 佢拆店架啦~!

麻辣小黃瓜, I like it~~~~~~~!!!

哈哈~!! 沙茶醬自己鍾意落幾多, 就放幾多啦~!

四小妖台北飄流記 Day 3 - Part 1

30/6/2008 Day 3 Part 1

我地晨早起身, 喺酒店樓下是旦搵左間野食, 就拿拿臨去搭捷運木柵線, 飛奔去台北最大既木柵動物園~!! 呢個景點係嵐嵐話一定要既, 因為佢話每去一個地方都要去佢地既動物園~! 點解呢? 佢都話唔知點解~~~總之要去啦~! 咁冇所謂啦~! 我地做大既咁梗係就下佢啦~! 去囉~!!

木柵動物園, 我睇旅遊書嗰陣其實淨係知...好大...但係冇乜期望過, 入邊分左好多個zones , 我之前諗~~~頂多咪同荔園加宋城咁大~! 點知~!!!! 嘩~! 大半個山頭咁大呀!!! 我諗至少有香港迪士尼樂園咁大, 動物既數量多到震~~~~~你講得出既~~~真係乜都有~! 除左睇動物之外~~~我地都拍左好多短片, 不過, 有好多都未整好~~~因為呢期我打緊Online game ~~唔係咁得閒住~!!! 大家都係再睇多次Catwalk Show 啦~!!!!!!!!!!!

台灣好多地方都會有儲物櫃俾遊客放野, 商場又有, 去吧又有, 當然~動物園都有啦~! 我地放低啲袋, 就衝入去啦~!! 嘩~! 太陽好猛呀~!!! 熱到爆~!!! 不過.....呢幾日..一到3點即落雨....鬧鐘都冇咁準呀! 又濕晒~!

最後, 玩到五點幾, 就搭返車去酒店, 沖個靚涼, 再去食晚飯~!

去相~!!! GOGOGO!~!

拍極都唔厭既自拍照~~~~~!! 呵呵~!

木柵線~!

我好鍾意呢幾張木柵線既相~~~!! 唔知點解~!

沿路風景都好靚呀~!!!

木柵動物園既大門~!

大家睇下個地圖就知幾咁大.....!!!!!!!!!!!!

黑熊伯伯~~~你係咪覺得好熱呀~?

水獺~~~游得好快~~~成日游黎游去~!

一大堆猴子喺度捉"失乸"~~~

蝴蝶館~~~原來菠蘿係可以引蝴蝶架~!!!

樂天熊仔餅既friend~!

華哥仔~!!???! 你做乜入左去既?! 噢~~~原來係猩猩~~~!

吊橋...好驚驚呀~~~~~~!

嘩~~~~~!! 呢隻.....真係唔知叫咩.........?

中國大象~! 仲有好大篤..........................eeeeeee~

中途落勁大雨呀~!!!!!! 但係都係照玩~!
俾大家回顧一下之前blog 過既Catwalk Show 啦~!


點睇都咁正~!

企鵝館~!!! 好可愛哦~!

呢隻非洲象好狡猾呀~!!! 佢會用象鼻掟屎出黎架~!!!

我地由下午1點玩到5點幾, 搭最後一班既觀光列車返大門囉~! 好攰呀~!

大家玩到攰晒~~~又臭喎~~~返去沖個靚涼去食晚飯啦喂~!

PS. 其實仲有好多動物, 因為版面所限, 精選左一啲出黎~!